استانادا وتان قورعاۋشى كۇنىنە ارنالىپ قوعامدىق كولىكتە مۋزىكالىق فلەشموب ءوتتى, دەپ حابارلايدى قورعانىس مينيسترلىگىنىڭ ءباسپاسوز قىزمەتى.
فلەشموب كەزىندە قازاقستاننىڭ قارۋلى كۇشتەرى ۇلتتىق اسكەري-پاتريوتتىق ورتالىعىنىڭ ارتىستەرى جولاۋشىلارمەن بىرگە پاتريوتتىق جانە اسكەري اندەردى شىرقادى.
«مەن 51 اۆتوبۋستا ەرەكشە اكتسيانىڭ كۋاگەرى بولدىم. جوبا قورعانىس مينيسترلىگىنىڭ وتان قورعاۋشى كۇنىنە جانە جەڭىس كۇنىنە ارنالعانەكەن. اسكەري ءانسامبلدىڭ ارتىستەرى ءان ايتىپ, حالىقتىڭ كوڭىلىن ءبىر كوتەرىپ تاستادى. وسىنداي كۇتپەگەن اكتسيا ءۇشىن ۇلكەن راحمەت», دەدى قۋانىشىمەن بولىسكەن استانا تۇرعىنى.
وسىنداي شارالار «حان شاتىر» ساۋدا, ويىن-ساۋىق ورتالىعىندا دا ءوتتى. وسىلايشا ۇلتتىق اسكەري-پاتريوتتىق ورتالىقتىڭ اسكەري ءانسامبلىنىڭ ارتىستەرى استانا قالاسى تۇرعىندارى مەن قوناقتارىنا مەرەكەلىك كوڭىل كۇي سىيلادى.