نۇرسۇلتان نازارباەۆ الماتى قالاسىنداعى «كەرۋەن-Medicus» جاۋاپكەرشىلىگى شەكتەۋلى سەرىكتەستىگىنە باردى, دەپ حابارلايدى اقوردانىڭ ءباسپاسوز قىزمەتى.
مەملەكەت باسشىسى مەديتسينا ورتالىعىنىڭ قىزمەتىمەن تانىسىپ, كلينيكا ۇجىمىمەن اڭگىمەلەستى.
«دارىگەر ەمدەلۋشىگە قامقورلىقپەن قاراپ, اسىرەسە, انالاردى بوساندىرعاندا ءوزىنىڭ مەيىرىمىن دارىتا ءبىلۋى قاجەت. بۇكىل قازاقستان بويىنشا زاماناۋي قۇرالدارمەن جابدىقتالعان كوپتەگەن مەديتسينالىق ورتالىقتار سالىندى. دارىگەر - ەڭ ۇلى ماماندىق ەكەنىن ءاردايىم ەستە ساقتاڭىزدار. سىزدەرگە تابىس تىلەيمىن!», - دەدى قازاقستان پرەزيدەنتى.
سونداي-اق, نۇرسۇلتان نازارباەۆقا مەديتسينا تەحنيكالارىن ءوندىرۋشى Siemens, Karl Storz, General Electric, Drager, Hamilton جانە باسقا دا جەتەكشى كومپانيالار ۇسىنعان قازىرگى زامانعى قۇرال-جابدىقتار كورسەتىلدى.
ايتا كەتەرلىگى, «كەرۋەن-Medicus» عيماراتى 2017 جىلى سالىندى. ونىڭ جالپى اۋدانى - 10 مىڭ شارشى مەتر. كلينيكادا ناقتى ۋاقىت رەجىمىندە 3D-فورماتىنداعى كۇردەلى وپەراتسيالار جاسالادى. مەديتسينالىق ورتالىق كورەيانىڭ Severance Hospital, گەرمانيانىڭ Freiburg University Klinik, سەۋل ۇلتتىق ۋنيۆەرسيتەتىنىڭ بۋندان كلينيكالارىمەن, سونداي-اق ەۋروپانىڭ جەتەكشى كلينيكالارىنىڭ وكىلى - Puls Global كومپانياسىمەن كادر دايارلاۋ جونىندە ىنتىماقتاستىق ورناتقان.