«اۋىل» پارتياسى ۇيىتقى بولعان «قوستاناي وبلىسى مىسالىنداعى اۋىل شارۋاشىلىعى ماشينالارىن جاساۋدىڭ قازاقستانداعى مازمۇنى» دەگەن تاقىرىپتاعى ماجىلىسكە «اۋىل» پارتياسىنىڭ توراعاسى, پارلامەنت سەناتىنىڭ دەپۋتاتى ءالي بەكتاەۆ, سەنات دەپۋتاتى, سەناتتاعى اگرارلىق, تابيعات پايدالانىۋ جانە سەلولىق اۋماقتاردى دامىتۋ ماسەلەلەرى جونىندەگى كوميتەت توراعاسى جەڭىس نۇرعاليەۆ, ينۆەستيتسيا جانە دامۋ مينيسترلىگىنىڭ وندىرىستىك دامۋ جانە ونەركاسىپتىك قاۋىپسىزدىك كوميتەتىنىڭ توراعاسى الماس باتانوۆ, اۋىل شارۋاشىلىعى مينيسترلىگى عىلىمي-تەحنولوگيالىق جانە تەحنيكالىق ساياسات دەپارتامەنتىنىڭ ديرەكتورى ازات سۇلتانوۆ, اۋىل شارۋاشىلىعى مينيسترلىگى ەگىن شارۋاشىلىعى ونىمدەرىن ءوندىرۋ جانە وڭدەۋ دەپارتامەنتى تەحنيكالىق جابدىقتاۋ باسقارماسىنىڭ باسشىسى باقىت ءىلياسوۆ, قوستانايداعى «اگروماشحولدينگ» ماشينا جاساۋ زاۋىتى ديرەكتورلار كەڭەسىنىڭ توراعاسى دين كيم, وبلىستىق اكىمدىك وكىلدەرى – وبلىس اكىمىنىڭ ورىنباسارى سەرگەي كارپليۋك, وبلىستىق اۋىل شارۋاشىلىعى باسقارماسىنىڭ باسشىسى دارحان ابدىكارىموۆ, وبلىستاعى باسقا دا اۋىل شارۋاشىلىعى تەحنيكاسىن ءوندىرۋ كاسىپورىندارىنىڭ باسشىلارى, اۋىل شارۋاشىلىعى سالاسىنداعى كاسىپكەرلەر, تاعى باسقالار قاتىستى.
ماجىلىستە «اۋىل» پارتياسىنىڭ توراعاسى ءالي بەكتاەۆ ەلىمىزدەگى اۋىل شارۋاشىلىعى تەحنيكالارىنىڭ قازىرگى جاعدايىنا شولۋ جاسادى. ەلىمىزدەگى پايدالانىپ جۇرگەن بارلىعى 152 629 تراكتوردىڭ 54 پايىزىنا 17 جىلدان اسىپ كەتكەن, ياعني زاۋىت بەلگىلەگەن پايدالانۋ مەرزىمى وتكەن. ونىڭ 20 پايىزى پايدالانۋعا جارامايدى. 41 494 كومبايننىڭ 57 پايىزىنىڭ مەرزىمى 17 جىلدان اسىپ كەتكەن, 15 پايىزى پايدالانۋعا جارامايدى. جەم ءشوپ دايىندايتىن 66 مىڭنان اسا تەحنيكانىڭ 65 پايىزى مەرزىمىنەن وتكەن, ونىڭ دا 15 پايىزى پايدالدانۋعا كەلمەيدى. توپىراق وڭدەيتىن 381 مىڭنان اسا تەحنيكانىڭ دا پايدالانۋ مەرزىمى وتكەنى 53 پايىزدى قۇرايدى, 22 پايىزى ىستەن شىققان. ال قوستاناي وبلىسىنداعى قولدا بار بارلىق 11 721 تەحنيكانىڭ مەرزىمى 17 جىلدان اسىپ كەتكەن. 5 773 تەحنيكا ەسەپتەن شىعارىلسا, 4373 تەحنيكا پايدالانۋدان قالعان.
«وسىدان 20 جىل بۇرىنعى ۋاقىتپەن سالىستىرعاندا اۋىل شارۋاشىلىعى كوپ ىلگەرى باستى دامىدى. الايدا اۋىل شارۋاشىلىعىن تەحنكيكامەن قامتاماسىز ەتۋدە قولعا الىناتىن, اتقارىلار شارۋا وتە كوپ. حالىقتى ازىق-ت ۇلىكپەن قامتاماسىز ەتۋ ماقسات بولعاندىقتان, ءالى-اق اۋىلداردا وڭدەۋ زاۋىتتارى سالىنادى, اۆتوماتتاندىرىلادى. الايدا, اۋىل شارۋاشلىىعىن تۇگەل مەحانيزاتسيالاۋدى جاقسارتپاي, تسيفرلاندىرۋ ءىسى تولىققاندى مۇكىن بولمايدى» دەدى ءالي ابىدۋكەرىم ۇلى.
ماجىلىستە سەنات دەپۋتاتى جەڭىس نۇرعاليەۆ, اۋىل شارۋاشىلىعى مينيسترلىگى ەگىن شارۋاشىلىعى ونىمدەرىن ءوندىرۋ جانە وڭدەۋ دەپارتامەنتى تەحنيكالىق جابدىقتاۋ باسقارماسىنىڭ باسشىسى باقىت ءىلياسوۆ, قازاقستاننىڭ ەڭبەك ەرلەرى سايران بۇقانوۆ پەن بوريس كنيازەۆ, تاعى باسقالار اۋىل شارۋاشلىعى تەحنيكاسىن جاساۋ, ساتىپ الۋ, سەرۆيسپەن قامتاماسىز ەتۋ تۋرالى بىلىكتى پىكىرلەرىن ورتاعا سالدى. وزدەرىنىڭ ۇسىنىستارىن ايتتى. پىكىرلەر قورىتىلىپ, ۇكىمەتكە جەتكىزىلەتىن بولادى.
ءنازيرا جارىمبەت,
«ەگەمەن قازاقستان»
قوستاناي