بۇگىن سونداي-اق الماتى قالاسىنىڭ وڭىرلىك كوممۋنيكاتسيالار قىزمەتى الاڭىندا الماتى قالاسىنىڭ تجد باستىعىنىڭ ورىنباسارى ەرلان الىبەكوۆ جۋرناليستەردىڭ قاتىسۋىمەن ءباسپاسوز ءماجىلىسىن وتكىزدى.
ەرلان الىبەك ۇلى كازگيدرومەتتىڭ مالىمەتتەرىنە سايكەس, الماتى قالاسىنىڭ تاۋلى ايماقتارىنداعى جيناقتالعان قاردىڭ مولشەرى قالىپتى جانە وتكەن جىلمەن سالىستىرعاندا قاردىڭ كولەمى ەكى ەسەگە از ەكەندىگىن اتادى. جاۋىن- شاشىننىڭ مولشەرى ورتاشا ەسەپپەن العاندا بەلگىلى ولشەمنەن 15-20 پايىزعا تومەن. وتكەن جىلعى كەزەڭمەن سالىستىرعاندا, بيىلعى جاۋىن-شاشىننىڭ مولشەرى 50 پايىزعا از.
2017 جىلى الماتى قالاسى اكىمدىگىنىڭ باسشىلىعىمەن الماتى قالاسىنىڭ الاتاۋ, اۋەزوۆ, المالى, بوستاندىق جانە مەدەۋ اۋداندارىندا جالپى قاشىقتىعى 30 شاقىرىمدى قۇرايتىن ارىق جۇيەلەرى سالىنىپ, سونداي اق ەسەنتاي (9 شق), قيماسار (1,1 شق) جانە جاربۇلاق (0,4 شق) وزەندەرىنىڭ جەكەلەگەن بولىكتەرىندە جاعالاۋدى بەرىكتەندىرۋ مەن اباتتاندىرۋ جۇمىستارى جۇرگىزىلدى.
قالا اكىمىنىڭ قورىنان بولىنگەن 1,4 ملرد.تەڭگەگە الاتاۋ مەن ناۋرىزباي اۋداندارىنىڭ سۋ تاسقىنىنا قاۋىپتى ۋچاسكەلەرىندە 1,2,3 شاقىرىم ارىق جۇيەلەرى مەن جاۋىن كارىزدەرى سالىنىپ, الاتاۋ اۋدانىنداعى «ەنەرگوسترويتەل» جانە «تەپلوەنەرگەتيك» ساياجايلارىنان وتەتىن «قارعالى» وزەنى ارناسىنىڭ 4,8 شاقىرىمى بەتوندالدى.
وعان قوسا, 2017 جىلدىڭ قىركۇيەگىندە ناۋرىزباي اۋدانىنداعى قارعالى وزەنى ارناسىنداعى (جالپى سوماسى 2,2 ملرد.تەڭگەگە) اپاتتى-قالپىنا كەلتىرۋ جۇمىستارى اياقتالدى. ناتيجەسىندە, بۇگىنگى تاڭدا قارعالى وزەنىنىڭ سۋ وتكىزۋ مۇكىندىگى 20م3 دەيىن جوعارىلادى (بۇرىن 5-7 م3 بولعان).
«سۋ تاسقىنى قاتەرلەرىنىڭ الدىن الۋ جانە جويۋ جونىندەگى 2017-2020 جىلدارعا ارنالعان شارالار كەشەنى» جول كارتاسى شەڭبەرىندە ەسەنتاي (اباي داڭعىلى), جاربۇلاق (قابانباي باتىر,يشتۆان كوشەلەرى) جانە كىشى الماتى (ەلەبەكوۆ, مايلين كوشەلەرى) وزەندەرىنەن وتەتىن 6 كوپىر كۇردەلى جوندەۋدەن ءوتتى (575 ملن. 605 مىڭ تەڭگەگە).
مەدەۋ-شىمبۇلاق اۆتوجولىنداعى كىشى الماتى وزەنىنەن وتەتىن 1 كوپىردى جوندەۋ جۇمىستارى 2018 جىلعا جوسپارلانعان (سوماسى 262 ملن.451 مىڭ 216 تەڭگە).
الماتى قالاسىنىڭ تابيعي رەسۋرستار جانە تابيعاتتى پايدالانۋدى رەتتەۋ باسقارماسىمەن قالامىزدىڭ 8 اۋدانىندا 42 شاقىرىمدىق ارىق جۇيەلەرىن جاڭارتۋعا جوبالىق سمەتالىق قۇجاتتاما دايىندالىپ, 2018 جىلدىڭ باسىنان بەرى ىسكە اسىرىلۋدا, – دەدى دەپارتامەنت ورىنباسارى.
ايناش ەسالي,
«ەگەمەن قازاقستان».
الماتى