«استانا» حالىقارالىق قارجى ورتالىعى شۆەيتسارلىق Seedstars كومپانيالار توبى مەن قازاقستاندىق MOST بيزنەس-ينكۋباتورىمەن بىرلەسە وتىرىپ Fintechstars العاشقى ستارتاپ-اكسەلەراتسيالىق باعدارلاماسىن ىسكە قوستى.
باعدارلامانىڭ ماقساتى قازاقستانداعى قارجى تەحنولوگيالار سالاسىنداعى ستارتاپتاردى دامىتۋعا ارنالعان پلاتفورمالاردى قۇرۋ جانە وسى سالانىڭ الەمدىك كوشباسشىلارىمەن ءوزارا ءىس-قيمىل جاساۋدى جولعا قويۋ.
«احقو اكىمشىلىگى» اق تسيفرلىق تەحنولوگيالار جونىندەگى ديرەكتورى اسەل جاناسوۆانىڭ Fintechstars قارجى تەحنولوگيالار سالاسىنداعى كاسىبىن جاڭادان باستاعان كاسىپكەرلەرگە قولداۋ كورسەتۋگە كومەكتەسەتىنىن اتاپ ءوتتى.
«باعدارلاما ستارتاپتارعا قارجىلاندىرۋعا يە بولۋ, سونداي-اق وسى سالانىڭ ەڭ ۇزدىك حالىقارالىق ماماندارىمەن بىرلەسە وتىرىپ ءوز جوبالارىن پىسىقتاۋدىڭ بىرەگەي مۇمكىندىگىن بەرەدى. قازاقستاندا ستارتاپ-جوبالارمەن جۇمىس ىستەۋدە ۇلكەن تاجىريبەسى بار Seedstars-پەن بىرلەسە وتىرىپ اكسەللەراتسيالىق باعدارلامانىڭ ىسكە قوسىلۋى قارجى تەحنولوگيالاردىڭ ەكوجۇيەسىن دامىتۋعا باعىتتالعان ماقساتتارعا قول جەتكىزۋگە كومەكتەسەدى», – دەدى ءا. جاناسوۆا.
«ستارتاپتاردى باعالاۋ كەزىندە مىناداي ولشەمشارتتار: كوماندانىڭ قۇزىرەتتىلىگى, كومپانيانىڭ ءوسۋ ديناميكاسى مەن ولاردىڭ باعدارلاما بارىسىندا الا الاتىن قوسىمشا قۇندىلىعى ەسكەرىلدى. كوماندالار بارىنشا جەتىلگەن, ولاردىڭ كەيبىرەۋلەرى ءىسىن جاڭادان باستاعان ستارتاپتارعا مەنتورلار رەتىندە كومەك كورسەتۋدە. ءبىزدىڭ ولارعا بەرەتىن باستى قۇندىلىعىمىز – Seedstars بايلانىستار جەلىسىنە قولجەتىمدىلىك», – دەدى Seedstars وڭىرلىك وكىلى يگور وۆچارەنكو.
باعدارلاماعا قاتىسۋعا 33 مەملەكەتتەن 146 ءوتىنىم كەلىپ ءتۇستى. ىرىكتەۋ ناتيجەسىندە قازاقستاننان, رەسەيدەن, ۋكراينادان, گرۋزيا جانە نيگەريادان 10 كوماندا ىرىكتەلدى. Fintechstars اياسىندا ءۇش ايلىق وقۋ, حالىقارالىق جانە وتاندىق مەنتورلاردىڭ تالىمگەرلىگى جانە 20 مىڭ اقش دوللارى كولەمىندەگى الدىن الا ينۆەستيتسيا كوزدەلگەن.
Fintechstars قورىتىندىسى بويىنشا ەڭ ۇزدىك ستارتاپتار 350 مىڭ اقش دوللارى سوماسىنا دەيىنگى ينۆەستيتسياعا جانە حالىقارالىق نارىققا شىعۋ مۇمكىندىگىنە يە بولادى.