جاڭگىر حان اتىنداعى باتىس قازاقستان اگرارلىق-تەحنيكالىق ۋنيۆەرسيتەتىندە «عاسىر» جاستار بىرلەستىگىنىڭ ۇيىمداستىرۋىمەن سىبايلاس جەمقورلىققا قارسى «وزىڭنەن باستا!» اتتى اكتسيا ءوتتى. اكتسياعا ورال قالاسىنداعى جوعارى جانە ارناۋلى وقۋ ورىندارىنىڭ ستۋدەنتتەرى, جاستار بىرلەستىكتەرى وكىلدەرى قاتىستى.
بۇل شارا قازاقستان رەسپۋبليكاسى مەملەكەتتىك قىزمەت ىستەرى جانە سىبايلاس جەمقورلىققا قارسۋ كۇرەس اگەنتتىگى باتىس قازاقستان وبلىستىق دەپارتامەنتىنىڭ جانە باتىس قازاقستان وبلىستىق جاستار ساياساتى ماسەلەلەرى باسقارماسىنىڭ قولداۋىمەن ءوتىپ وتىر.
- «وزىڭنەن باستا!» اكتسياسى ءوڭىر جاستارىنىڭ اراسىندا وتكىزىلەتىن كەشەندى شارانىڭ ءبىرى. اكتسيا اياسىندا باتىس قازاقستان وبلىسىنىڭ زەلەنوۆ اۋدانى «ادال جول» فلەشموب مارافونىن تاسقالا اۋدانىنا تابىستادى. بۇدان بولەك مەملەكەتتىك قىزمەتكەرلەر جارمەڭكەسى ۇيىمداستىرىلادى. ياعني شاراعا قاتىسۋشىلار مەملەكەتتىك قىزمەتكە كىرۋ, جۇمىسقا ورنالاسۋ, تۇرعىن ءۇي قۇرىلىس جيناق بانكى, تاعى باسقا ماسەلەلەر جونىندەگى سۇراقتارىنا جاۋاپ الادى. ءبىزدىڭ ماقساتىمىز – جاستاردى ادال بولۋعا شاقىرامىز, ادالدىق بار جەردە جەمقورلىق بولمايدى, - دەيدى مەملەكەتتىك قىزمەت ىستەرى جانە سىبايلاس جەمقورلىققا قارسۋ كۇرەس اگەنتتىگى بقو دەپارتامەنتىنىڭ ءبولىم باسشىسى ءبىرجان حايرۋللين.
اكتسيانى وتكىزگەن «عاسىر» جاستار قوعامدىق بىرلەستىگىنىڭ توراعاسى بولاتبەك ساحيەۆ تە جاستار اراسىندا سىبايلاس جەمقورلىققا قارسى مادەنيەتتى قالىپتاستىرۋ وتە ماڭىزدى دەپ سانايدى.
- اكتسيا ناتيجەسىندە ستۋدەنتتەردىڭ ادال ەڭبەك ەتۋىنە, ادال ءبىلىم الۋىنا جاعداي جاساۋ – نەگىزگى مىندەتىمىز. ءبىز جاستار كوپ جۇرەتىن جەرلەرگە «سەنىم جاشىگىن» ورناتىپ, وعان كەلىپ تۇسكەن كەز كەلگەن ءتۇيىندى ماسەلەنى تەز ءارى وڭىنان شەشۋگە تىرىسامىز, - دەيدى جاستار جەتەكشىسى.
قازبەك قۇتتىمۇرات ۇلى,
«ەگەمەن قازاقستان»
ورال قالاسى