اۋليەاتادا رۋحانيات فەستيۆالى ءوتتى

ءاربىر ادامنىڭ بوي­ىن­داعى ارقيلى تالانت تۋعان جەردىڭ تۋ­ىن جو­عارى كوتەرۋگە, ولكەنىڭ ءورىسىن تا­نى­تۋ­عا سەپتەسەتىنى انىق. وسى ورايدا, پرە­ز­ي­دەنت ماقالاسىنان تۋىندايتىن مىن­دەتتەردى جۇزەگە اسىرۋ اياسىندا جام­بىل وبلىستىق مادەنيەت, ارحيۆتەر جا­نە قۇ­جاتتاما باسقارماسىنا قاراستى حا­ل­ىق شىعارماشىلىعى ورتالىعىنىڭ ۇي­ىمداستىرۋىمەن تاراز قالاسىندا «رۋ­حا­ني قازىنا» اتتى فەستيۆال ءوتتى.

ايتۋلى شاراعا اۋليەاتا وڭىرىندەگى قولونەر شەبەرلەرى, كىتاپحاناشىلار, مۋزەي مەن كلۋب ماماندارى قاتىسىپ, ءوز ونەرلەرىن ورتاعا سالدى. سونداي-اق ەلى­مىزدىڭ مادەنيەت جانە سپورت مينيس­تر­لىگىنىڭ تاپسىرماسى نەگىزىندە وتكەن شارا بارىسىندا وڭىردەگى حالىقتىق تەاتر ۇجىمدارىنا, ايتىس اقىندارى مەن فو­ل­كلورلىق انسامبلدەرگە ارنايى شە­بەرلىك ساعاتتارى ۇيىمداستىرىلدى. اتال­عان فەستيۆالدىڭ سالتاناتتى اشىلۋ راسىمىندە ءسوز العان وبلىستىق مادەنيەت, ارحيۆتەر جانە قۇجاتتاما باسقارماسىنىڭ باسشىسى دۇيسەنالى بىقىباەۆ 21 مامىر – مادەنيەت قىزمەتكەرلەرىنىڭ ءتول مە­رە­كەسىنە وراي رەسپۋبليكالىق فەستيۆال وتە­تىنىن, وعان جامبىل وڭىرىنەن دە ۇزدىك ونەر­پازدار ىرىكتەلەتىنىن ايتتى.

فەستيۆال بارىسىندا تانىمال انشىلەر عاني ماتەباەۆ پەن مارالبەك باباقۇلوۆ «تۋعان ەل» ءانىن شىرقاپ كوپ­شى­ل­ىكتىڭ قوشەمەتىنە بولەنسە, «الاتاۋ» تو­بى ء«بىز بىرگەمىز!» انىمەن شارا شىراي­ىن ارتتىردى. قا­تار اس­تاناسى دوحا قالاسىندا وتكەن سي­قىر­­شى­لار فەستيۆالىندە جۇلدەلى ەكىن­شى ورىن­دى يەلەنگەن «بالاۋسا» تسي­ركى­­نىڭ سي­قىرشىسى تالاپ تاۋبەكوۆ پەن اتالعان ونەر الامانىندا قازىلار ال­قا­سىنىڭ قۇ­را­مىندا بولعان ونەرپاز ءىلي­ياس راح­مان­قۇ­لوۆتا ءوز ونەرلەرىمەن ءتانتى ەتتى. تا­راز تو­رىندە دۇبىرلەپ وتكەن «رۋ­ح­اني قا­ز­ىنا» فەستيۆالىنىڭ بارلىق قاتى­سۋ­شى­لارىنا ارنايى العىس حاتتار تابىستالدى.

حاميت ەسامان,

«ەگەمەن قازاقستان»

جامبىل وبلىسى