وسكەمەندەگى زووباققا جاقىندا جۇرت تەلەديداردان عانا كورىپ جۇرەتىن, نەگىزىنەن افريكا, ءۇندىستان مەن ورتا ازيانىڭ كەيبىر ايماقتارىن مەكەن ەتەتىن قاراقال جانە سەرۆال (بۇتا مىسىعى) دەپ اتالاتىن جابايى مىسىقتار اكەلىنىپتى. بۇل جانۋارلاردى حايۋاناتتار باعىنا سەناتور مۇحتار قۇل-مۇحاممەد سىيعا تارتقان ەكەن.
وبلىستىق ساۋلەت-ەتنوگرافيالىق جانە تابيعي-لاندشافتى مۋزەي-قورىعى فاۋنا ءبولىمىنىڭ مەڭگەرۋشىسى زاينەتدين شامشيەۆ قازىر زووباقتىڭ سۋ جاڭا تۇرعىندارىنا ارنايى ۆولەرلەر جاسالىپ جاتقانىن, ازىرگە ولاردى كورۋگە مۇمكىندىك جوق ەكەندىگىن ايتادى. بۇلاردان بولەك زووباق بيىل ءۇش ايلىق ەكى قونجىقپەن تولىقتىرىلىپتى. قوس قونجىقتى ۇلان اۋدانىنداعى العاباس اۋىلىنىڭ ماڭىنان اڭشىلار تاۋىپ العان ەكەن.
ازامات قاسىم,
«ەگەمەن قازاقستان»
وسكەمەن