باقىتجان ساعىنتاەۆ پرەزيدەنت تاپسىرماسى بويىنشا جۇمىس ساپارىمەن قاراعاندى وبلىسىنا كەلدى

جۇمىس ساپارى بارىسىندا ساتپاەۆ, جەزقازعان, قاراعاندى قالالارىنىڭ بىرقاتار ونەركاسىپتىك جانە الەۋمەتتىك نىساندارىن ارالاۋ جوسپارلانعان, اتاپ ايتقاندا: ەلباسىنىڭ تاپسىرماسى بويىنشا سالىنىپ جاتقان «نۇرلى مەكەن» شاعىن اۋدانى, «حانۋم» ماكارون تسەحى, مامانداندىرىلعان ازىق-ت ۇلىك ونىمدەرىن شىعاراتىن «Bayan» جشس. پرەمەر-مينيستر مەديتسينالىق ورتالىق نەگىزىندە وبلىستىڭ دەنساۋلىق ساقتاۋ جۇيەسىن تسيفرلاندىرۋ بارىسىمەن, قايتا رەتتەۋ, ءمجا جانە جەكەلەگەن قىزمەتتەر سەكتورىن دامىتۋ جاعدايىمەن تانىسادى.

ب. ساعىنتاەۆ «سارىارقا» اەا اۋماعىندا شارلى كراندار مەن ىلمەكتى ارماتۋرا شىعاراتىن «بيومەر ارماتۋرا» جشس زاۋىتىن تەكسەرىپ, پايدالانۋدان شىققان كولىك قۇرالدارىنىڭ مەتالل سىنىقتارىنان شويىن, بولات, اليۋميني, ءتۇستى مەتالل قورىتپالارىن شىعاراتىن «Recycling Company» جشس كاسىپورنىنا بارادى.

جەزقازعاندا باقىتجان ساعىنتاەۆ الەۋمەتتىك-ەكونوميكالىق دامۋ ماسەلەلەرى بويىنشا ءوڭىردىڭ اكتيۆىمەن جانە جۇرتشىلىعىمەن كەزدەسۋ وتكىزەدى.

مونوقالالاردى دامىتۋدىڭ قازىرگى قارقىنى مەن پەرسپەكتيۆالارى, تەحنولوگيالىق جاڭعىرتۋ, ينۆەستيتسيالار تارتۋ, سونداي-اق مەملەكەت باسشىسىنىڭ «رۋحاني جاڭعىرۋ» باعدارلاماسىن ىسكە اسىرۋ ناتيجەلەرى جانە «بەس الەۋمەتتىك باستامانى» ورىنداۋ تەتىكتەرى, سونىڭ ىشىندە ءوڭىردى گازداندىرۋ جانە قىزىلوردا — جەزقازعان — قاراعاندى — استانا باعىتى بويىنشا «سارىارقا» گاز قۇبىرىن سالۋ ماسەلەلەرى قارالادى.

قاراعاندى پوليتەحنيكالىق كوللەدجىن ارالاۋ قورىتىندىسى بويىنشا وبلىستىڭ ستۋدەنت جاستارىمەن «پرەزيدەنتتىڭ بەس الەۋمەتتىك باستاماسىن» جۇزەگە اسىرۋ, ونىڭ ىشىندە ءبىلىم الۋدىڭ قولجەتىمدىلىگىن ارتتىرۋ, ستۋدەنتتەردىڭ تۇرمىس جاعدايىن جاقسارتۋ جانە جاڭا تۇرعىن ءۇي باعدارلاماسى ماسەلەلەرى جونىندە كەزدەسۋ وتكىزىلەدى.

وبلىس اكتيۆىمەن, ءىرى جانە شاعىن بيزنەس وكىلدەرىمەن كەزدەسۋ مەملەكەت باسشىسىنىڭ ء«تورتىنشى ونەركاسىپتىك رەۆوليۋتسيا جاعدايىنداعى دامۋدىڭ جاڭا مۇمكىندىكتەرى» جولداۋىن ىسكە اسىرۋ ماسەلەلەرىنە ارنالادى.

ەسكە سالا كەتەيىك, بۇل بيىلدىققا ەل وڭىرلەرىنە ءتورتىنشى جۇمىس ساپارى. بۇعان دەيىن باقىتجان ساعىنتاەۆ جۇمىس ساپارىمەن وڭتۇستىك قازاقستان, قىزىلوردا جانە اتىراۋ وبلىستارىندا بولىپ قايتتى.

انىقتاما: قاراعاندى وبلىسى — قازاقستاننىڭ نەگىزگى ونەركاسىپتىك ايماقتارىنىڭ ءبىرى. ءجوو قۇرىلىمىندا ونەركاسىپ ۇلەسى — 49,5%, اۋىل شارۋاشىلىعى — 3,2%, قۇرىلىس — 2,8%, ساۋدا — 12%, كولىك جانە قويمالاۋ — 6,9%, اقپارات جانە بايلانىس — 0,6%, جىلجىمايتىن م ۇلىك وپەراتسيالارى — 5,6%, باسقالارى — 19,4% قۇرايدى.

وبلىستىڭ جۇيە قۇرۋشى كاسىپورىندارى: «ارسەلورميتتال تەمىرتاۋ» اق, «قازاقمىس كورپوراتسياسى» جشس, «ەۆرازيان فۋدس» اق, «قازورتالىقەلەكترسىم» جشس, «Central Asia Cement» اق, «جايرەم تاۋ-كەن بايىتۋ كومبيناتى» اق.