كەنتتەگى بالالار جانە جاسوسپىرىمدەر سپورت مەكتەبىندە دزيۋدو كۇرەسىنەن سپورت شەبەرى ەلىمىزدىڭ ۇلتتىق قاۋىپسىزدىك كوميتەتىنىڭ وفيتسەرى باۋىرجان جۇماباي ۇلىن ەسكە الۋعا ارنالعان رەسپۋبليكالىق تۋرنيرگە 2003-2005 جىلدارى تۋعان جاسوسپىرىمدەر مەن قىزدار قاتىستى.
باۋىرجان جۇماباي ۇلى مايقايىڭدا تۋعان. مەكتەپ قابىرعاسىنان باستاپ دزيۋدو, قازاق كۇرەسىمەن شۇعىلدانعان. وبلىس بىرىنشىلىگىندە ءتورت مارتە جەڭىمپاز اتانعان. 2004 جىلى «سپورت شەبەرى» اتاعىنا يە بولدى.
كەنت اكىمدىگىنىڭ حابارلاۋىنشا, جارىسقا جەرگىلىكتى بالۋانداردان بولەك, استانا, سەمەي, ەرەيمەنتاۋ, جەلەزين, پاۆلودار, اقسۋ, ەكىباستۇز, لەبياجى, ەرتىس, باياناۋىل, قالقامان, بىرلىك, ەگىندىبۇلاق, شوپتىكول, اقمولادان بارلىعى 146 سپورتشى قاتىسىپتى. ەر بالالار 34, 38, 42, 46, 50, 55 كەلى, قىزدار 44, 48 كەلى سالماق دارەجەلەرى بويىنشا سىنعا ءتۇستى.
تۋرنيردە ەلوردالىق ۇلان جاقان, سەمەيلىك قاراقات تالعاتقىزى, كارينا كاراكەنوۆا, پاۆلوداردان داستان قابەن, ۆاليحان شايحيستان, ديار قادىرباەۆ, ەرەيمەنتاۋدان نۇرحان بەيبىتوۆ, ايبەك جۇماعۇلوۆ, تولەگەن ايدارحانوۆ, ادىلبەك احمەتكاريموۆ جۇلدەلى 1 ورىندى يەلەندى. جەڭىمپازدار مەدالدار, باعالى سىيلىقتارمەن ماراپاتتالدى.
كەنتتىڭ ارداگەرلەر كەڭەسىنىڭ توراعاسى مۇحتار ءزاپىش ۇلى سپورتشىلاردى قۇتتىقتاپ, اق جول تىلەدى. بالالار جانە جاسوسپىرىمدەر سپورت مەكتەبىنە بايمۇرزين باۋىرجان جۇماباي ۇلىنىڭ ەسىمىن بەرۋ جونىندە ۇسىنىس بار ەكەنىن جەتكىزدى.
فاريدا بىقاي, «ەگەمەن قازاقستان