بايقاۋعا قاتىسۋشىلار استاناداعى «دارىن» رەسپۋبليكالىق عىلىمي-تاجىريبەلىك ورتالىعىنىڭ باستاماسىمەن وبلىس ورتالىعىنداعى قىزدارعا ارنالعان ء«بىلىم-يننوۆاتسيا» ليتسەي-ينتەرناتىنا جينالدى.
وقۋشىلار «كوركەم ءسوز وقۋ», «اقىندار ءمۇشايراسى», «شەشەندىك ونەر», «اقىندار ايتىسى», «شىعارما جازۋ» جانە «ۇلتتىق اسپاپتا ويناۋ» سياقتى باعىتتارىندا بايقاۋدا ونەر كورەستتى. ەلىمىزدىڭ بارلىق وڭىرلەرىنەن 90 وقۋشى كەلدى. وبلىس ورتالىعىنداعى «ەرتىس دارىنى» ءبىلىم ورتالىعىنىڭ حابارلاۋىنشا, ءبىزدىڭ وڭىردەن 8 وقۋشى قاتىسىپ, 5-ءۋى جۇلدەلى بولدى. ى.التىنسارين اتىنداعى گيمنازيا-ينتەرناتىنىڭ 10 سىنىپ وقۋشىسى ءابدىرايىموۆ ەرداۋلەت «اقىندار ءمۇشايراسى» بولىمىنە قاتىسىپ, جۇلدەگەر اتانسا, ورازباي مارلەن و.بوكەيدىڭ «اتاۋ كەرە» رومانىنان ءۇزىندى وقىدى, 11 سىنىپ وقۋشىسى سارىباي قۇدىرەت اقتوبە وبلىسىنىڭ ايتىسكەرىمەن ايتىستى. ال, اباي اتىنداعى مەكتەبىنىڭ 9 سىنىپ وقۋشىسى ايشات باقىتوۆا ورىنداۋ شەبەرلىگىن كورسەتىپ, بىرنەشە كۇي ورىنداپ بەردى.
بايقاۋ قورىتىندىسىندا وقۋشىلارعا 14 گرانت تاعايىندالدى, ا.ياسساۋي اتىنداعى حالىقارالىق قازاق-تۇرىك ۋنيۆەرسيتەتى-10, قاراعاندى قالاسى «بولاشاق» اكادەمياسى-3 جانە پاۆلودار مەملەكەتتىك پەداگوگيكالىق ۋنيۆەرسيتەتى-1 ءبولدى. ا.ياسساۋي اتىنداعى ۋنيۆەرسيتەتىنىڭ گرانتىنا شەشەندىك ونەرىمەن كوزگە تۇسكەن وبلىس ورتالىعىنداعى ى.التىنسارين اتىنداعى گيمنازيا-ينتەرناتىنىڭ 11 سىنىپ وقۋشىسى جانباۋ مارعۇلان يە بولدى.
بايقاۋ اياسىندا ەۋرازيا ۇلتتىق ۋنيۆەرسيتەتىنىڭ پروفەسسورى, ايتىسكەر اقىن, قازىلار القاسىنىڭ توراعاسى امانجول ءالتاي جاس اقىندارىمەن كەزدەستى. قوناقتار, بايقاۋعا كەلگەن وقۋشىلار قالاداعى «Batۋr mاll» ويىن-ساۋىق ورتالىعىن ارالادى, زياتكەرلىك ويىندار مەن بي كەشتەرىنە قاتىستى.
فاريدا بىقاي,
«ەگەمەن قازاقستان»
پاۆلودار
سۋرەتتەردى تۇسىرگەن نۇرلان قاسەنوۆ