جاڭگىر حان اتىنداعى باتىس قازاقستان اگرارلىق-تەحنيكالىق ۋنيۆەرسيتەتىندە «رۋحاني جاڭعىرۋ» باعدارلاماسى اياسىندا قازاقستان حالقى اسسامبلەياسىنىڭ باستاماسىمەن «National bookdating» اكتسياسى ءوتتى.
بۇل «جاڭا گۋمانيتارلىق ءبىلىم» جانە «100 جاڭا وقۋلىق» جوباسىنا جاستاردىڭ نازارىن اۋدارتۋ, مەملەكەتتىك تىلگە اۋدارىلعان الەمدىك دەڭگەيدەگى بەستسەللەر اتانعان وقۋ قۇرالدارى مەن وقۋلىقتاردى تانىتۋ ماقساتىندا وتكىزىلگەن شارا.
«رۋحاني جاڭعىرۋ» باعدارلاماسى اياسىندا ەلىمىزدە گۋمانيتارلىق ءبىلىم جانە الەۋمەتتىك-ەكونوميكالىق سالادا 18 الەمدىك وقۋلىق مەملەكەتتىك تىلگە اۋدارىلعانى بەلگىلى. بۇل ەڭبەكتەر əلەمنىڭ 42 ەلىندە, 34 تىلدە باسىلىپ, جالپى تارالىمى 47 ميلليوننان اسقان ەكەن. ەندى مىنە, سول ماقتاۋلى وقۋلىقتار قازاق وقىرماندارىنىڭ دا قولىنا ءتيدى. جاقىن كۇندەرى جاڭگىر حان اتىنداعى باتىس قازاقستان اگرارلىق-تەحنيكالىق ۋنيۆەرسيتەتى كىتاپحاناسىنا دا بۇل كىتاپتار كەلىپ, ستۋدەنتتەردىڭ يگىلىگىنە اينالادى.
اكتسيا بارىسىندا باتىس قازاقستان وبلىستىق قازاقستان حالقى اسسامبلەياسى توراعاسىنىڭ ورىنباسارى, حاتشىلىق مەڭگەرۋشىسى عايسا قاپاقوۆ, ۋنيۆەرسيتەتتىڭ پروفەسسورى, فيلوسوفيا عىلىمدارىنىڭ دوكتورى تىلەكجان رىسقاليەۆ, «قازاقستان تاريحى جانە الەۋمەتتىك-گۋمانيتارلىق پاندەر» كافەدراسىنىڭ مەڭگەرۋشىسى, فيلوسوفيا عىلىمدارىنىڭ كانديداتى ۆەنەرا ەسەنعاليەۆا, ەكونوميكا جانە مەنەدجمەنت كافەدراسىنىڭ مەڭگەرۋشىسى, ەكونوميكا عىلىمدارىنىڭ كانديداتى جانار ەرجانوۆا مەملەكەتتىك تىلگە اۋدارىلعان كىتاپتار مەن وقۋلىقتار تۋرالى باياندادى. ۋنيۆەرسيتەتتىڭ تاربيە جانە الەۋمەتتىك جۇمىستار جونىندەگى پرورەكتورى اقىلبەك سۇلتانوۆ مەملەكەتتىك تىلگە اۋدارىلعان وقۋلىقتار وتاندىق عىلىمنىڭ دامۋىنا جəنە ءبىلىم بەرۋ ءىسىنىڭ ودان ءəرى جەتىلۋىنە ۇلكەن ۇلەس قوساتىنىن اتاپ ءوتتى.
- ەلباسىمىز ن. نازارباەۆتىڭ ءار باستاماسى جاستاردى دامىتۋعا, قولداۋعا باعىتتالعان. «رۋحاني جاڭعىرۋ» باعدارلاماسىنىڭ «قازاق تىلىندەگى 100 جاڭا وقۋلىق» جوباسى اياسىندا جارىق كورگەن جاڭا كىتاپتار – جاستارعا جاسالعان قامقورلىقتىڭ ءبىرى دەپ بىلەمىن. مۇنداي وقۋلىقتاردى مەملەكەتتىك باعدارلاما اياسىندا اۋدارىپ, تەگىن تاراتۋ – əلەمدە بالاماسى جوق تəجىريبە دەپ ويلايمىن, - دەدى بەك-21 توبىنىڭ ستۋدەنتى, بولاشاق ەكونوميست باعدات سەرىكباەۆا.
عايسا قاپاقوۆتىڭ ايتۋىنشا, جاڭا وقۋلىقتاردىڭ ارقايسىسى 10 مىڭ تيراجبەن باسىلىپ, ەلىمىزدەگى بارلىق مەملەكەتتىك جوعارى وقۋ ورىندارىنا تەگىن تاراتىلادى. ءسويتىپ, جاز بويى جوو وقىتۋشىلارى جاڭا ەڭبەكتەرمەن تانىسىپ, قارۋلانادى. وسىلايشا 2018 جىلى قىركۇيەك ايىندا جاڭا وقۋ جىلىنان وقۋ ۇدەرىسىنە تولىق ەنگىزىلەدى. تاعى ءبىر ايتا كەتەتىن ءجايت, بۇل اۋدارما كىتاپتار ۇلتتىق اۋدارما بيۋروسىنىڭ سايتىندا دا جاريالانباق. ياعني, «100 جاڭا وقۋلىق» باعدارلاماسىنىڭ يگىلىگىن كەز كەلگەن ادام كورە الادى.
– بۇل باعدارلاما توقتامايدى. بيىلدىڭ وزىندە باتىس فيلوسوفياسىنىڭ تاريحى, لينگۆيستيكا, سەميوتيكا, جاڭا پەداگوگيكا, حالىقارالىق قۇقىق, ديپلوماتيا, جۋرناليستيكا, ونەر تاريحى بويىنشا تاعى 30 كىتاپ پەن وقۋلىق وزگە تىلدەردەن اۋدارىلادى, - دەيدى ع ايسا حامەدوللا ۇلى.
– دەرەك دجونستوننىڭ «فيلوسوفيانىڭ قىسقاشا تاريحى» ەڭبەگى وتە قىزىقتى. فيلوسوفيا سىندى كۇردەلى ءپاندى وتە قىزىقتى ءارى تارتىمدى ەتىپ تۇسىندىرگەن تاماشا ەڭبەك. بۇل شىعارما ستۋدەنتتەر مەن جاسوسپىرىمدەر ءۇشىن وتە قىزىقتى دەپ ويلايمىن. مۇندا سوكراتتان دەرريدكە دەيىنگى الەمنىڭ ەڭ مىقتى 18 ويشىلىنىڭ ءومىربايانى مەن نەگىزگى ەڭبەكتەرى بەرىلگەن. دەرەك دجونستون فيلوسوفيا تاريحىن قاراپايىم تىلمەن قىزىقتى ەتىپ جەتكىزە بىلگەن. نەمەسە كارەن ارمسترونگتىڭ «قۇداي تاريحى» كىتابىن الايىق. بۇل ەڭبەكتە اۆتور يبراھيم پايعامباردىڭ زامانىنان كۇنى بۇگىنگە دەيىن ەرلەر مەن ايەلدەردىڭ قۇداي تاعالا تۋرالى تانىم-تۇسىنىگى قانداي بولعانىن تالدايدى. ايتا كەتەيىن, بۇل كىتاپ الەم بويىنشا 700 مىڭ تيراجبەن تاراعان, – دەيدى جاڭگىر حان اتىنداعى باتىس قازاقستان اگرارلىق-تەحنيكالىق ۋنيۆەرسيتەتى «قازاقستان تاريحى جانە الەۋمەتتىك-گۋمانيتارلىق پاندەر» كافەدراسىنىڭ مەڭگەرۋشىسى, فيلوسوفيا عىلىمدارىنىڭ كانديداتى ۆەنەرا ەسەنعاليەۆا.
قازبەك قۇتتىمۇرات ۇلى,
«ەگەمەن قازاقستان»
ورال قالاسى
سۋرەتتى تۇسىرگەن قاراكوزايىم كەنجينا