ەلوردادا قازاق ءالىپبيىن لاتىن قارپىنە كوشىرۋ ماسەلەلەرىنە ارنالعان بىلىكتىلىكتى ارتتىرۋ كۋرستارى جالعاسۋدا, دەپ حابارلايدى استانا اكىمدىگىنىڭ رەسمي سايتى.
شارا «رۋحاني جاڭعىرۋ» باعدارلاماسىنىڭ اياسىندا ءوتىپ جاتىر. 16-18 ءساۋىر ارالىعىندا جوعارى جانە ورتا كاسىبي وقۋ ورىندارىنىڭ مۇعالىمدەرى, ەلوردا مەكتەپتەرىنىڭ قازاق ءتىلى ءپانىنىڭ مۇعالىمدەرى لاتىن قارپىنە نەگىزدەلگەن قازاق تىلىندە جازۋدىڭ ەرەجەلەرى, شەتەل سوزدەرىن جازۋ ەرجەلەرى بويىنشا ءدارىس الادى.
بۇگىن «ىسكەر» بيزنەس ورتالىعىنداعى دارىستە استانا قالاسى اكىمىنىڭ ورىنباسارى ەرمەك امانشاەۆ بولىپ قايتتى.
ونىڭ ايتۋىنا قاراعاندا, مۇنداي كۋرستار تۇراقتى تۇردە جۇرگىزىلمەك.
ء«بىز مۇنداي دارىستەرمەن قالانىڭ بارلىق مۇعالىمدەرىن قامتيتىن بولامىز. وقىتۋ 3 كەزەڭنەن تۇرادى. ارينە, وڭاي بولماسى انىق. ۋاقىت وتە كەلە لاتىن قارپىندەگى قازاق ءالىپبيىنىڭ جاڭا نۇسقاسىنا قوعام ۇيرەنىپ كەتەدى دەپ ويلايمىن. ءبىزدىڭ باستى ماقساتىمىز – قوعامدى ءالىپبيدىڭ جاڭا نۇسقاسىمەن تانىستىرىپ قانا قويماي, دۇرىس جازۋدى ۇيرەتۋ», - دەپ اتاپ ءوتتى اكىمنىڭ ورىنباسارى.
ايتا كەتەيىك, ءدارىستى احمەت بايتۇرسىنوۆ اتىنداعى ءتىل ءبىلىمى ينستيتۋتىنىڭ پروفەسسورى, فيلولوگيا عىلىمدارىنىڭ دوكتورى ءالىمحان جۇنىسبەكوۆ, س. دەميرەل اتىنداعى ۋنيۆەرسيتەتتىڭ پروفەسسورى, فيلولوگيا عىلىمدارىنىڭ دوكتورى قۇرالاي كۇدەرينوۆا مەن ش. شاياحمەتوۆ اتىنداعى تىلدەردى دامىتۋدىڭ رەسپۋبليكالىق ۇيلەستىرۋ-ادىستەمەلىك ورتالىعىنىڭ ديرەكتورى ەربول تىلەشوۆ وقيدى.
شارا تىلدەردى دامىتۋ جانە مۇراعات ءىسى باسقارماسىنىڭ مۇرىندىق بولۋىمەن ءوتتى. كۋرستىڭ قورىتىندىسى بويىنشا ەلوردانىڭ جوعارعى وقۋ ورىندارى مەن كوللەدجدەرىنىڭ, مەكتەپتەرىنىڭ مۇعالىمدەرىنە بىلىكتىلىكتى ارتتىرۋ كۋرستارىنان وتكەندىگى جونىندەگى سەرتيفيكاتتار تابىستالادى.