اقتاۋ قالاسىنداعى نازارباەۆ زياتكەرلىك مەكتەبىندە 7-11 سىنىپ وقۋشىلارى مەن كوللەدج ستۋدەنتتەرىنە ارنالعان «Caspian Start-Up 2018» ستارتاپتار بايقاۋىنىڭ ىرىكتەۋ كەزەڭى ءوتتى. اتالعان بايقاۋ بارىسىندا كەلىپ تۇسكەن 120-دان اسا ستارتاپ جوبانىڭ 20-سى اقتىق كەزەڭگە ىرىكتەپ الىندى.
وقۋشىلار مەن كوللەدج ستۋدەنتتەرىنە ارنالىپ وتكىزىلىپ وتىرعان تۇڭعىش ستارتاپتار بايقاۋىن اقتاۋ قالاسىنداعى حيميا-بيولوگيا باعىتىنداعى نازارباەۆ زياتكەرلىك مەكتەبى مەن ماڭعىستاۋ وبلىستىق ءبىلىم باسقارماسى ۇيىمداستىردى. بايقاۋدىڭ باستى ماقساتى – وقۋشىلار مەن ستۋدەنتتەر اراسىندا جاڭا جوبالاردى تانىستىرۋ الاڭىن قۇرۋ, يننوۆاتسيالىق بىرلەستىكتىڭ الەۋەتىن كورسەتىپ, ونى قولداۋ.
جارىسقا قاتىسۋدا بەلسەندىلىك تانىتىپ, بيزنەس باستاۋدى ويلايتىن وقۋشىلار مەن ستۋدەنتتەردىڭ كوپ ەكەندىگىنە قۋانىشتىمىز. وسىنداي كاسىپكەرلىككە بەيىمى بار جاستاردى قولداپ, ولارعا كاسىپكەرلەر مەن ساراپشىلار كومەگىمەن باعىت-باعدار كورسەتىپ, جوباسى بيزنەس باستاۋعا ءتيىمدى بولىپ جاتسا, كاسىپكەرلەرمەن تىلدەسۋگە جاعداي جاساۋدى جوسپارلاپ وتىرمىز, دەيدى اقتاۋ قالاسىنداعى نازارباەۆ زياتكەرلىك مەكتەبىنىڭ ديرەكتورى ەرمەك پايزوۆ.
ىرىكتەۋ كەزەڭىنە ماڭعىستاۋ وبلىسىنىڭ اۋداندارىنان, اتىراۋ وبلىسىنان, ءتىپتى استانا قالاسىنان قاتىسۋشىلار كەلدى. قاتىسۋشىلار كاسىپكەرلەر مەن ستارتاپ سايىستاردىڭ جەڭىمپازدارىنان قۇرالعان تاۋەلسىز قازىلار القاسىنىڭ الدىندا جوباسىنىڭ كرەاتيۆتىلىگى مەن اكتۋالدىلىگى تۋرالى 2 مينۋت كولەمىندە بايانداپ بەردى.
سايىس ء ۇش كەزەڭنەن تۇرادى. جوباعا قاتىسۋشى ەڭ الدىمەن باستاعىسى كەلەتىن بيزنەس تۋرالى ەكى مينۋتتىق ۆيدەو ءتۇسىرۋى ءتيىس. سودان سوڭ جوبانىڭ ماڭىزدىلىعى, سۇرانىسى, تيىمدىلىگى تۋرالى پرەزەنتاتسيا دايىندادى. قازىلار القاسى نازارباەۆ زياتكەرلىك مەكتەبىنە كەلگەن جوبالاردىڭ ىشىنەن ەڭ ۇزدىك 20 جوبانى تاڭداپ, اقتىق كەزەڭگە جولدادى. ىرىكتەۋدەن وتكەن قاتىسۋشىلار 21- ساۋىردە بيزنەس-جوبالارىن كاسىپكەرلەر مەن قازىلار القاسىنىڭ الدىندا قورعايتىن بولادى. بايقاۋدىڭ جەڭىمپازىنا 300 مىڭ تەڭگە بەرىلەدى. ال, ءىى ورىنعا - 250 مىڭ, ءىىى ورىنعا - 200 مىڭ تەڭگە قاراستىرىلعان.
ستارتاپ جوبالار بايقاۋىنىڭ باس دەمەۋشىسى - «Forte bank» اق ماڭعىستاۋ وبلىسىنداعى فيليالى مەن «MKS Logistics» جشس. ال «اتامەكەن» كاسىپكەرلەر پالاتاسىنىڭ ماڭعىستاۋ وبلىستىق فيليالى, «Mediana» ءىت-كومپانياسى, «جاس وتان» جاستار پارتياسى, «Mangystau» تەلەارناسى جانە «Inaktau.kz» قالالىق اقپاراتتىق پورتالى بايقاۋ سەرىكتەستەرى.
سونىمەن قاتار, ىرىكتەۋدەن وتكەن 20 جوبانىڭ قاتىسۋشىلارىنا «اتامەكەن» ۇكپ بيزنەس-ترەنەرى نۇرداۋلەت مەدەۋوۆ, «Mr.President» شەشەندىك سويلەۋ اكادەمياسىنىڭ جەتەكشىسى قايرات حاسانوۆ جانە «Like» ورتالىعىنىڭ اقتاۋداعى وكىلى بەكجان شوقانوۆ كاسىپكەرلىك نەگىزدەرى, ينۆەستورلارمەن جۇمىس تاقىرىبىنا ارنايى شەبەرلىك ساعاتتارىن وتكىزدى.
گۇلايىم شىنتەمىرقىزى, «ەگەمەن قازاقستان»