ىشكى ءتۋريزمدى دامىتۋ ماڭىزدى

بريفينگكە بعم عىلىم كوميتەتىنىڭ عىلىمي جوبالار مەن باعدارلامالارعا مەم­لەكەت­تىك مونيتورينگ جۇر­گىزۋ­ باسقارماسىنىڭ باسشى­سى­ راۋشان مۇقىشەۆا, «QazaqGeography» باسقارۋ­شى­­ كە­ڭەسىنىڭ توراعاسى, «نازار­باەۆ ۋنيۆەرسيتەتى» ااق­ يننوۆاتسيالار جونىندەگى ۆي­تسە-پرەزيدەنتى قانات باي­عارين, «QazaqGeography» حالىق­ارالىق جانە عىلى­مي جوبالار ءبولىمىنىڭ مەنەد­جەرى نۇرجان العاشوۆ, نازارباەۆ ۋنيۆەرسيتەتى National Laboratory­ Astana بيو­­­­­­فو­توني­كا جانە يميدجينگ زەرت­­حانا­سىنىڭ كىشى عى­لى­­مي قىز­­مەت­كەرى ۆە­روني­كا داش­كوۆا قا­تىستى. قاتىسۋ­شىلار بىر­­لەس­تىكتىڭ ىش­­كى ءتۋ­ريزم­دى دامىتۋ بويىنشا قانداي شا­­رالار جوس­پارلا­پ, نەندەي جۇمىستار ات­قا­رعانىن بايان­دادى.

اتالعان قوعامدىق بىرلەس­تىك 2013 جىلى قۇرىل­عان بولاتىن. سودان بەرى سان-الۋان جوبالار قولعا الىنىپ, ىشكى تۋريزمگە ءوز ۇلەسىن قوسۋدا. بىرلەستىكتىڭ بيىلعى جىل­عا­ باعىتتاعان شارۋاسى دا از ەمەس ەكەن.

«2018 جىلعى ماۋسىم «ارال – 2018» عىلىمي-تا­نىم­­­­­دىق ەكسپەديتسياسىنان باس­­­­تالادى. ساپاردىڭ باس­تى ماق­­ساتى – سولتۇستىك جانە وڭ­تۇستىك ارالدىڭ گيدرو­بيو­­­لوگيالىق ارتۇرلىلىگى تۋرالى دەرەكتەر جيناۋ», دەدى ق.بايعارين.

ەكىنشى ەكسپەديتسيا – «كيە­لى قازاقستان» جىل سايىنعى ەكس­پەديتسيالار توپتاماسى ايا­سىنداعى ورتالىق جانە شى­عىس قازاقستاننىڭ كيەلى جەر­لەرىنە جاسالاتىن ساپار بول­ماق. «كيەلى قازاقستان» ەكسپەديتسيالارى رۋحاني مۇ­را­نىڭ ەجەلگى تاريحي نى­سان­­دارىن جان-جاقتى زەردەلەۋ­گە باعىتتالعان. سونداي-اق وتكەن جىلى «كيەلى قازاقستان» جو­باسى اياسىندا كيەلى ورىن­دار­­دىڭ ەلەكتوندى اتلا­سىن­­­ جاساۋ ماقساتىندا «QazaqGeography» توبى قا­زاق­­­­ستاننىڭ كيەلى ورىندارىن ارا­­­لاعان. ال بيىل عالىمدار رۋ­­حاني مۇرانىڭ 6 نىسانىن زەرت­تەمەك.

«QazaqGeography» سونى­مەن قاتار تۇران جولبارى­سىن, پرجەۆالسكي جىلقى­سىن قاي­تا جەرسىندىرۋ جانە ۇلى­تاۋ قورىعىن قۇرۋ جوبالارىنا قولداۋ كورسەتۋ بويىنشا جۇ­مىستارىن جالعاستىرادى. اتال­عان جوبالار 2014 جىلدان بەرى ىسكە اسىرىلۋدا.

نازارباەۆ ۋنيۆەرسيتەتى­نىڭ ۆيتسە-پرەزيدەنتى ق.باي­عارين­نىڭ ايتۋىنشا, بۇل تۇران نەمەسە بالقاش جولبا­رىسىنىڭ قايتا تۋىلۋ ماسە­لەسىن عانا ەمەس, سونداي-اق تابي­عات پەن ەكولوگيانىڭ تۇ­­تاس تىزبەگىن قامتيتىن كو­­لەم­­دى جوبا: تىزبەك ۇستىن­دەگى جىرت­قىشتىڭ نەمەن قورەك­تە­نەتىنىنەن باس­تاپ, ونىڭ تىر­شى­لىك ەتۋ ورتاسىنىڭ وسىم­دىك جابىنى قانداي بولاتى­نىنا دەيىن ەسكەرىلەدى. ياعني, جوبا ماسەلەگە عىلىمي تۇر­عى­دان قاراۋ ارقىلى ىسكە اسى­رىلماق.

دينارا بىتىك, «ەگەمەن قازاقستان»