مەملەكەت باسشىسىنىڭ بەس الەۋمەتتىك باستاماسى قازاقستاندىقتاردىڭ بۇگىنگى كۇنگى مۇقتاجدىقتارىن شەشۋگە, اتاپ ايتقاندا جەكە باسپانا, ساپالى جوعارى ءبىلىم الۋ, ەڭبەكاقىسىنىڭ جوعارىلاۋى, كاسىبىن اشۋعا مۇمكىندىك بەرۋ سياقتى ماڭىزدى سالالاردى قامتىعان.
قازاقستاننىڭ بارلىق ايماقتارى ءتارىزدى قوستاناي وبلىسى ءۇشىن دە تۇرعىن ءۇي ماسەلەسى ەڭ وزەكتى پروبلەمالاردىڭ ءبىرى. ءبىزدىڭ قوعامدىق قابىلداۋعا كەلۋشىلەردىڭ دەنى وسى ماسەلەگە بايلانىستى الاڭداۋشىلىقتارىن ءبىلدىرىپ جاتادى. ەندى پرەزيدەنتتىڭ باستاماسى ارقىلى ەڭبەك ونىمدىلىگى ارتادى, ماماندار تاپشىلىعى ازايادى, جۇمىس ساپاسى جاقسارا تۇسەدى دەپ ەسەپتەيمىن.
ال سالىقتىق جەڭىلدىكتەر ارقىلى جۇمىس ىستەيتىندەر ەسەبىن ناقتىلاۋعا دا مۇمكىندىك تۋىندايدى.
ءبىزدىڭ قوستاناي وبلىسى شەكاراعا جاقىن ورنالاسقاندىقتان مەكتەپ تۇلەكتەرىنىڭ رەسەي فەدەراتسياسىنىڭ كورشىلەس وبلىستارىنىڭ جوعارى وقۋ ورىندارىن تاڭدايتىنى قىنجىلتاتىن. وقۋشىلارمەن سويلەسە كەلە, ولاردىڭ رەسەيلىك وقۋ ورىندارىنداعى تەگىن ءبىلىمنىڭ قولجەتىمدىلىگى مەن جاتاقحانامەن قامتۋ جاعدايى قىزىقتىراتىندىعىن بىلدىك. ەندى ەلباسىنىڭ تىڭ باستاماسى دارىندى بالالارىمىزدىڭ وتاندىق وقۋ ورىندارىنا قىزىعۋشىلىقتارىن ارتتىراتىندىعىنا سەنىمدىمىن.
ال شاعىن نەسيەلەر سانىنىڭ ارتۋى اۋىلداعى اعايىنداردىڭ ءوز كاسىبىن اشىپ, تۇرمىسىن تۇزەتۋىنە ىقپال ەتەتىندىگىنە كۇمانىم جوق.
جالپىلاي العاندا, پرەزيدەنتتىڭ بەس باستاماسى بۇگىنگى سۇرانىسقا ساي كەلەتىندىگى قۋانتادى.
ەكاتەرينا سمىشلياەۆا, «قوستاناي وبلىسىنىڭ كاسىپوداقتار ورتالىعى» اۋماقتىق كاسىپوداق بىرلەستىگىنىڭ ءتورايىمى