استاناداعى «ديپلومات» قوناق ۇيىندە تاۋەلسىزدىگىمىزدىڭ 20 جىلدىعىنا وراي «قازاقستان مەملەكەتتىلىگىنىڭ قالىپتاسۋى مەن دامۋى» اتتى تاقىرىپقا ارنالعان جۋرناليستەر مەن فوتوتىلشىلەر اراسىنداعى شىعارماشىلىق بايقاۋدىڭ جەڭىمپازدارى ماراپاتتالدى.
اتالعان ءىس-شاراعا پارلامەنت سەناتىنىڭ دەپۋتاتتارى, زيالى قاۋىم وكىلدەرى, جۋرناليستيكا سالاسىنداعى پروفەسسور-عالىمدار, مينيسترلىكتەردىڭ جاۋاپتى ماماندارى, بۇقارالىق اقپارات قۇرالدارىنىڭ وكىلدەرى قاتىستى.
جيىندا بايلانىس جانە اقپارات ءمينيسترى اسقار جۇماعاليەۆتىڭ قۇتتىقتاۋ حاتىن مينيسترلىكتىڭ جاۋاپتى حاتشىسى قايرات ءابساتتاروۆ وقىپ بەردى. سونداي-اق ول قازاقستاننىڭ ساياسي تۇراقتىلىعىن, ەكونوميكالىق تابىستارعا جەتۋىن, ەلدىڭ ءال-اۋقاتىنىڭ ايتارلىقتاي جاقسارۋىن جان-جاقتى ناسيحاتتاۋدا جۋرناليستەر قاۋىمىنىڭ ۇلەسى وراسان زور ەكەندىگىن اتاپ ءوتتى.
قازاقستان تاۋەلسىزدىگىنىڭ 20 جىلدىعى اياسىندا وتكىزىلگەن «قازاقستان مەملەكەتتىلىگىنىڭ قۇرىلۋى مەن دامۋى» اتتى شىعارماشىلىق بايقاۋدىڭ ناتيجەسىندە «ەگەمەندى قازاقستاننىڭ تاريحىنا ارنالعان ۇزدىك اۆتورلىق فوتوماتەريال» اتالىمىندا – قر پرەمەر-ءمينيسترىنىڭ ءفوتوتىلشىسى شۇكىر شاحاي; «قازاقستاننىڭ ەكونوميكالىق جەتىستىكتەرىن (ەكونوميكالىق رەفورمالاردى جاريالاۋ) كورسەتەتىن ەڭ ۇزدىك ماقالا» اتالىمىندا – «قازاقستان-زامان» ەلارالىق گازەتىنىڭ ءتىلشىسى جادىرا ءمۇسىلىموۆا (قازاق تىلىندە) جانە «نارىق الەمى» گازەتىنىڭ ءتىلشىسى قالمۇرات ءداۋلەتباەۆ (ورىس تىلىندە); «ەلىمىزدەگى ساياسي جاڭارتۋلار بويىنشا ۇزدىك ماقالا» اتالىمىندا – «تاۋەلسىزدىك جانە دەموكراتيا» ماقالاسى ءۇشىن (قازاق تىلىندە) بەلگىلى عالىم, پروفەسسور, «مىسل» جۋرنالىنىڭ ءتىلشىسى ابدەش قالمىرزاەۆ جانە «بەلەس» ماقالاسى ءۇشىن (قازاق تىلىندە) «جاس قازاق» رەسپۋبليكالىق گازەتىنىڭ جاۋاپتى حاتشىسى اعابەك سىدىقوۆ; «ەڭ ۇزدىك قوعامدىق-ساياسي باسىلىم»
اتالىمىندا – «اقيقات» ۇلتتىق قوعامدىق-ساياسي جۋرنالى; «تاۋەلسىز قازاقستاننىڭ گۇلدەنۋىنە ارنالعان قازاق تىلىندەگى ەڭ ۇزدىك تەلەۆيزيالىق جوبا» اتالىمىندا – «قازاقستان. مەنىڭ ەلىم» باعدارلاماسى ءۇشىن تەلەجۇرگىزۋشى, «قازاقستان» تەلەكانالىنىڭ «اپتا.kz» اقپاراتتىق-تالداۋ باعدارلاماسىنىڭ شەف-رەداكتورى, ل.گۋميلەۆ اتىنداعى جۋرناليستيكا فاكۋلتەتى تەلەراديوجۋرناليستيكا جانە قوعاممەن بايلانىس كافەدراسىنىڭ دوتسەنتى قانات اۋەسباي جانە «جاسامپازدىقتىڭ 20 جىلى» ءفيلمى ءۇشىن «قازاقستان- قاراعاندى» تەلەارناسىنىڭ تەلەباعدارلامالاردى دايىنداۋ ءبولىمىنىڭ باستىعى ءاشىمحان جانپەيىسوۆ; «تاۋەلسىز قازاقستاننىڭ گۇلدەنۋىنە ارنالعان ورىس تىلىندەگى ەڭ ۇزدىك تەلەۆيزيالىق جوبا» اتالىمىندا – «ۆەليكايا مەچتا» دەرەكتى ءفيلمى ءۇشىن قازاقستان پرەزيدەنتىنىڭ تەلەراديو كەشەنى جەڭىمپاز بولدى.
جەڭىمپازدارعا جۇلدەلەردى – عادىلبەك شالاحمەتوۆ, سۇلتان ورازالين, نامازالى وماشەۆ, ءۋاليحان قاليجان, ساۋىتبەك ابدراحمانوۆ, تاتيانا كوستينا, قايرات ءابساتتاروۆ, ءالتايىر ۋىزباەۆ پەن مارات ءابساتتاروۆ تابىستاپ, الداعى ۋاقىتتاردا دا جەتىستىكتەرگە جەتە بەرۋلەرىنە تىلەكتەستىك ءبىلدىردى.
بەرىك سادىر.