كونستيتۋتسيا مەن سايلاۋ تۋرالى زاڭناماعا سايكەس, قازاقستان رەسپۋبليكاسىنىڭ جاسى ون سەگiزگە تولعان ازاماتتارى, تەگiنە, الەۋمەتتiك, لاۋازىمدىق جانە مۇلiكتiك جاعدايىنا, جىنىسىنا, ناسiلiنە, ۇلتىنا, تiلiنە, دiنگە كوزقاراسىنا, نانىمىنا, تۇرعىلىقتى جەرiنە نەمەسە كەز كەلگەن وزگە جاعداياتتارعا قاراماستان, سايلاۋدا داۋىس بەرۋگە قاتىسۋعا قۇقىلى.
ءاربىر سايلاۋشى وسى قۇقىعىن ىسكە اسىرا الۋى ءۇشىن اكىمدىكتەر سايلاۋشىلار ءتىزىمىن جاسايدى. بۇل رەتتە اكىمدىكتەردىڭ لاۋازىمدى ادامدارى ولاردىڭ دۇرىستىعى ءۇشىن جاۋاپتى بولادى.
سايلاۋ تاعايىندالعان ساتتەن باستاپ ازاماتتار تۇرعىلىقتى جەرى بويىنشا اكىمدىككە بارىپ, سايلاۋشى رەتىندە تىركەلۋگە قۇقىلى.
ناقتىلى سايلاۋ ۋچاسكەسiندە ازاماتتى سايلاۋشىلار تiزiمiنە ەنگiزۋ ءۇشiن ونىڭ وسى سايلاۋ ۋچاسكەسiنiڭ اۋماعىندا تۇرعىلىقتى جەرi بويىنشا تiركەلۋ فاكتiسi نەگiز بولادى.
ازاماتتىڭ تۇرعىلىقتى جەرى بويىنشا تىركەلۋىن ناقتىلايتىن قۇجات ازاماتتاردى تىركەۋ كىتابى (بۇرىن ول «ءۇي كىتابى» دەپ اتالاتىن) بولىپ تابىلادى.
ەگەر سايلاۋشىعا سايلاۋدان كەمiندە وتىز كۇن بۇرىن سايلاۋ كۇنi ءوزiنiڭ تiركەلگەن ورنى بويىنشا داۋىس بەرۋگە ارنالعان ءۇي-جايعا كەلۋ مۇمكiندiگi بولمايتىنى بەلگiلi بولسا, ونىڭ ءوزiنiڭ بولاتىن جەرi بويىنشا جەرگىلىكتi اتقارۋشى ورگانعا ءوزiن تيiستi سايلاۋشىلار تiزiمiنە ەنگiزۋ جونiندە جازباشا ءوتiنiش بەرۋگە قۇقىعى بار.
جاتاقحانالاردا تۇراتىن كۇندiزگi بولiمدەردە وقيتىن ستۋدەنتتەر مەن اسپيرانتتار سايلاۋشىلار تiزiمiنە جاتاقحانانىڭ ورنالاسقان جەرi بويىنشا ەنگiزiلەدi.
اسكەر بولiمدەرiندەگi سايلاۋشى اسكەري قىزمەتشiلەردiڭ, سونداي-اق اسكەر بولiمدەرi ورنالاسقان جەرلەردە تۇراتىن ولاردىڭ وتباسى مۇشەلەرi مەن باسقا سايلاۋشىلاردىڭ تiزiمi اسكەر بولiمدەرiنiڭ كومانديرلەرi بەرگەن ءمالiمەتتەر نەگiزiندە جاسالادى.
ەگەر سايلاۋشى ۋاقىتشا بولۋ ورىندارىندا, مىسالى: دەمالىس ۇيلەرiندە, ساناتوريلەردە نەمەسە ۆاحتالىق جۇمىستا بولسا, وندا سايلاۋشىلاردىڭ تiزiمدەرi سول مەكەمەلەردiڭ باسشىلارى بەرگەن دەرەكتەر نەگiزiندە جاسالادى. بۇل تىزىمدەر داۋىس بەرۋگە ءبىر كۇن قالعاندا مىندەتتى تۇردە ناقتىلانۋعا ءتيىس.
شەت مەملەكەتتەرگە جەكە شاقىرۋلار بويىنشا, قىزمەتتىك, ىسكەرلىك جانە تۋريستىك ساپارمەن كەلگەن قازاقستان رەسپۋبليكاسىنىڭ ازاماتتارى ۋچاسكەلىك سايلاۋ كوميسسياسىنا ءوتىنىش جاساعان جاعدايدا جانە ولاردىڭ قازاقستان رەسپۋبليكاسى ازاماتىنىڭ جارامدى پاسپورتى بولسا, شەت مەملەكەتتەردەگi سايلاۋ ۋچاسكەلەرىندە سايلاۋشىلار تىزىمىنە ەنگىزىلەدى.
2011 جىلعى 30 جەلتوقساننان باستاپ ءاربىر سايلاۋشى سايلاۋ ۋچاسكەلەرىندە سايلاۋشىلار تىزىمىندەگى ءوزى تۋرالى دەرەكتەردى تەكسەرە الادى.
سايلاۋشىنىڭ اتى-ءجونى تىزىمدە بولماي شىقسا نەمەسە ول تۋرالى دەرەكتەردە جاڭساقتىقتاردىڭ بار ەكەنى انىقتالسا, سايلاۋشى ءتيىستى قۇجاتتاردىڭ نەگىزىندە ءوزىن تىزىمگە ەنگىزۋدى نەمەسە قاجەتتى تۇزەتۋلەر جاساۋدى تالاپ ەتۋگە قۇقىلى. باس تارتىلعان جاعدايدا سايلاۋشىنىڭ سوتقا شاعىمدانۋعا قۇقىعى بار.
قۇرمەتتى سايلاۋشىلار!
سايلاۋشىلار ءتىزىمىنىڭ دالدىگى مەن دۇرىستىعى كوپ جاعدايدا سىزدەردىڭ وزدەرىڭىزگە بايلانىستى. بەلسەندى ءارى جاۋاپكەرشىلىكتى بولىڭىزدار!
قازاقستان رەسپۋبليكاسىنىڭ ورتالىق سايلاۋ كوميسسياسى.