باقىت قۇسى قونعان ەل

تاۋەلسىزدىكتىڭ 20 جىلدىعى قارساڭىندا «سامۇرىق» ۇلتتار تەاترىنىڭ ۇجىمى  د.يسابەكوۆتىڭ «باقىت قۇسى» اتتى تۋىندىسىن استانا كورەرمەندەرىنە تارتۋ ەتكەن بولاتىن. بۇگىن ءبىز ەلباسى ن.ءا.نازارباەۆقا وسى تەاتردىڭ ارتىستەرى جولداعان ۇندەۋ حاتتى جاريالاپ وتىرمىز.

اسا قادىرلى نۇرسۇلتان ءابىش ۇلى!

ءبىز, ءسىزدىڭ قولداۋىڭىزبەن دۇنيەگە كەلگەن «سامۇ­رىق» ۇلتتار تەاترىنىڭ ارتىستەرى ەل بىرلىگى – «كەلىسىم» كۇنىنە ارناپ «باقىت قۇسى» (اۆتورى د. يسابەكوۆ) سپەكتاكلىن ساحناعا شىعارعان ەدىك. بۇل ءبىزدىڭ قا­زاقستان رەسپۋبليكاسى تاۋەلسىزدىگىنىڭ 20 جىلدىعىنا دەگەن تارتۋىمىز. «باقىت قۇسى» قويىلىمىنىڭ كەيىپكەرلەرى ءبىزدىڭ ءومىرىمىزدىڭ, قازاقستاندىق قوعامنىڭ ايشىقتى بەينەسى. ولار ءوز جەرىن, قاتار ءومىر ءسۇرىپ جاتقان, تاعدىر توعىستىرعان ادامداردى جاقسى كورەدى, ولاردىڭ قارىم-قاتىناسى ارقىلى جالپىعا ورتاق قۇندىلىقتار, رۋحاني بىرلىك نەگىزدەرى قالىپتاسادى. بۇل – ءسىزدىڭ جۇرگىزىپ وتىرعان ساليقالى ساياساتى­ڭىز­دىڭ ارقاسىندا ورناعان جاعداي – ءارتۇرلى ۇلت پەن ۇلىستىڭ, ءارتۇرلى ءدىن وكىلدەرىنىڭ ءبىر تىلدە – كەلىسىم تىلىندە سويلەپ, سامۇرىق – باقىت قۇسى ءبىزدىڭ ەلىمىزدىڭ – قازاقستاننىڭ باسىنا قونعانى تۋرالى قويىلىم. ادەتتە ساياساتكەرلەر ساياساتپەن, ەكونوميستەر ەكو­نو­مي­كامەن شۇعىلدانادى. ال ءبىز, ارتىستەر, وسىنداي قويىلىمدار ارقىلى ءسىز بەن ءبىزدىڭ, ءبىزدىڭ قوعامى­مىزدىڭ, وتانىمىزدىڭ ءومىرىن, ءبىز تاڭداعان جانە ءبىز باعالايتىن ءومىردى كورسەتەمىز. سەبەبى, ءبىز, ۇلت پەن ۇلىسقا بولىنبەيتىن, دوستىق پەن تۇسىنىستىكتى, ار-وجدان تازالىعى مەن سىيلاستىقتى قادىر تۇتاتىن ءبىر ۇلكەن وتباسىنىڭ وكىلدەرىمىز. قۇرمەتتى, نۇرسۇلتان ءابىش ۇلى, نەگىزىنەن, قازاق­ستاننىڭ ءار ازاماتى ءۇشىن بەيبىتشىلىك پەن تىنىش­تىقتان, بالالارىنىڭ بولاشاعىنا دەگەن سەنىمنەن, ورتاق شاڭىراعىمىزدىڭ بەرىكتىگىنەن اسقان ماڭىزدى ەشتەڭە جوق. قايىرىمدىلىق, دانالىق, ءوزارا سىيلاس­تىق, ىنتىماق, ءبىرىن-ءبىرى تىڭداي دا تۇسىنە ءبىلۋ بار جەردە قاشاندا ادامدار باقىتتى ەكەندىگى ەجەلدەن بەلگىلى. ءبىزدىڭ قويىلىم وسىنى كورسەتەدى. ءبىز ءوز شىعارماشىلىعىمىزبەن قوعامعا ەل بىرلىگى تۋرالى, تاتۋ ەلدە عانا باقىتتى ءومىر سۇرۋگە بولاتىندىعى تۋرالى ويدى جەتكىزۋدى ماقسات تۇتامىز. ءبىز ءسىزدى شىعارماشىلىققا جانى جاقىن, ونەرلى تۇلعا رەتىندە بىلەمىز, ءسىزدىڭ ءان ايتىپ, دومبىرا تار­تىپ, قازاقستاندا تۇراتىن قانشاما ۇلت پەن ۇلىستىڭ اندەرىن بىلەتىنىڭىزگە ءتانتىمىز. ال ونەر دەگەنىمىز, ادام جانىن وسىرەتىن, ورگە سۇيرەيتىن ۇلى ۇعىم. ءسىز سول شىعارماشىلىعىڭىز ارقىلى بۇگىن الەمگە ايگىلى تاۋەلسىز قازاقستان دەگەن ەلدى شىڭعا شىعاردىڭىز. بۇل ءسىزدىڭ – ۇلت كوشباسشىسىنىڭ سارابدال ساياساتى­نىڭ ارقاسىندا قول جەتكەن جەڭىس. سىزگە وسىنداي باعا جەتپەس ەڭبەگىڭىز ءۇشىن مىڭ دا ءبىر راحمەت ايتامىز. قازاقستاننىڭ ءار ازاماتى ءوز تاعدىرى مەن ءوز ومىرىندە ءسىزدىڭ ەڭبەگىڭىزدىڭ ناتيجەلەرىن سەزىنەدى, بىلەدى, باعالايدى. قازاقتىڭ قوناقجاي شاڭىراعىنىڭ استىندا ءبىز بارلىعىمىز بىرگە باقىتتى ءومىر ءسۇرىپ جاتىرمىز. ءبىزدىڭ ەلدە ءار ادام ءوز ورنىن تابا الادى. بۇدان ارتىق ادام جانىنا نە كەرەك؟! ءبىز ءسىزدى قازاقستان رەسپۋبليكاسىنىڭ – ءبىزدىڭ سۇيىكتى وتانىمىزدىڭ 20 جىلدىعى مەرەيتويىمەن شىن جۇرەكتەن قۇتتىقتايمىز. سىزگە زور دەنساۋلىق, ۇزاق ءومىر تىلەيمىز. ءبىز ءسىزدىڭ باسقارۋىڭىزبەن تاۋەلسىز, گۇلدەنگەن قازاقستاندى ءارى قاراي دامىتا بەرۋگە دايىنبىز. ل.كادەن – قازاقستاننىڭ ەڭبەك سىڭىرگەن ءارتىسى, «كۇرمەت» وردەنىنىڭ يەگەرى, ع.مۇسىرەپوۆ اتىنداعى مەم­لەكەتتىك اكادەميالىق قازاق بالالار مەن جاس­وسپىرىمدەر تەاترىنىڭ ءارتىسى; ت.بانچەنكو – قازاق­ستاننىڭ ەڭبەك سىڭىرگەن ءارتىسى, «دارىن» مەملەكەتتىك جاستار سىيلىعىنىڭ لاۋرەاتى, م.لەرمونتوۆ اتىنداعى مەملەكەتتىك اكادەميالىق ورىس دراما تەاترىنىڭ ءارتىسى; س.پوپوۆ – م.لەرمونتوۆ اتىنداعى مەملەكەتتىك اكا­دەميالىق ورىس دراما تەاترىنىڭ ءارتىسى; ا.فە­دوسەەۆ – م.لەرمونتوۆ اتىنداعى مەملەكەتتىك اكادەميالىق ورىس دراما تەاترىنىڭ ءارتىسى; م.توكارەۆ – قازاقستاننىڭ ەڭبەك سىڭىرگەن ءارتىسى, م.لەرمونتوۆ اتىنداعى مەملەكەتتىك اكادەميالىق ورىس دراما تەاترىنىڭ ءارتىسى; ج.سادىرباەۆ – م.اۋەزوۆ اتىنداعى قازاق مەملەكەتتىك اكادەميالىق دراما تەاترىنىڭ ءارتىسى; ە.جۋمانوۆ – «دارىن» مەملەكەتتىك جاستار سىي­لى­عى­نىڭ لاۋرەاتى, ن.ساتس اتىنداعى مەملەكەتتىك اكادەميالىق بالالار مەن جاسوسپىرىمدەر تەاترىنىڭ ءارتىسى; گ.تابالا – ن.ساتس اتىنداعى مەملەكەتتىك اكادەميالىق بالالار مەن جاسوسپىرىمدەر تەا­ترى­نىڭ ءارتىسى; گ.كيم – II دارەجەلى «دوستىق» ور­دە­نىنىڭ يەگەرى, مەملەكەتتىك رەسپۋبليكالىق كورەي مۋ­زىكالىق دراما تەاترىنىڭ ءارتىسى; و.لي – قازاق­ستاننىڭ ەڭبەك سىڭىرگەن ونەر قايراتكەرى, «كۇرمەت» وردەنىنىڭ يەگەرى, مەملەكەتتىك رەسپۋبليكالىق كورەي مۋزىكالىق دراما تەاترىنىڭ ءارتىسى; ا.نۋرماگامبەتوۆ – ت.جۇرگەنوۆ اتىنداعى قازاق ۇلتتىق ونەر اكادەميا­سىنىڭ ستۋدەنتى; ا.وراقباەۆا – ت.جۇرگەنوۆ اتىنداعى قازاق ۇلتتىق ونەر اكادەمياسىنىڭ ستۋدەنتى; م.احمانوۆ – قويۋشى رەجيسسەر, قازاقستاننىڭ ەڭبەك سىڭىرگەن ءارتىسى; ل.ني – مەملەكەتتىك رەسپۋبليكالىق كورەي مۋزىكالىق دراما تەاترىنىڭ جانە ۇلتتار تەاترىنىڭ ديرەكتورى; ا.مۇحامەدي ۇلى – ت. جۇرگەنوۆ اتىنداعى قازاق ۇلتتىق ونەر اكادەمياسىنىڭ  رەكتورى جانە   ۇلتتار تەاترىنىڭ  كوركەمدىك جەتەكشىسى.