پارلامەنت سەناتىنىڭ دەپۋتاتتارى ابدالى نۇراليەۆ پەن مۇراتباي جولداسباەۆ جامبىل وبلىسى, بايزاق اۋدانىندا جۇمىس بابىنداعى ساپاردا بولدى.
ايماقتاعى ساپار اياسىندا سەناتورلار ەڭبەك ۇجىمدارىمەن كەزدەسىپ, مەملەكەت باسشىسىنىڭ بەس الەۋمەتتىك باستاماسىنىڭ باستى باعىتتارىن جان-جاقتى ءتۇسىندىردى. اسىرەسە, اۋىلدىق جەرلەردە ماڭىزدى بولىپ وتىرعان ماسەلەلەر, اتاپ ايتقاندا تۇرعىن ءۇي ءۇشىن جەڭىلدەتىلگەن پايىزبەن نەسيە الۋ, شاعىن كاسىپكەرلىكتى باستاۋ, ەڭبەكاقىسى تومەن ادامدارعا سالىق جۇكتەمەسىن ازايتۋ ماسەلەلەرى تۋرالى ايتىلدى. سونداي-اق جاس مامانداردى جەرگىلىكتى جەرلەردە تۇراقتاندىرۋ ماسەلەلەرى دە قوزعالدى.
سەناتورلار ساپار اياسىندا بىرقاتار الەۋمەتتىك نىسانداردا دا بولدى. اۋدان ورتالىعى سارىكەمەر اۋىلىنداعى 175 ورىندىق جەكەمەنشىك «ەڭلىك» بالاباقشاسىنىڭ جۇمىسىمەن تانىسىپ, ەڭبەك ۇجىمىمەن كەزدەستى. سارىكەمەر ورتا مەكتەبىندە ورنالاسقان «رۋحاني جاڭعىرۋ» جوبالىق كەڭسەسىندە سەناتورلار ۇستازدار قاۋىمىمەن جانە مەكتەپ وقۋشىلارىمەن جۇزدەستى. كەزدەسۋ بارىسىندا مەملەكەت باسشىسىنىڭ «پرەزيدەنتتىڭ 5 الەۋمەتتىك باستاماسى» اتتى ۇندەۋى مەن ەلباسىنىڭ بيىلعى جولداۋى تۋرالى جان-جاقتى تۇسىندىرمە بەرىلدى.