دۋباي شاھارىندا 2020 جىلدىڭ 20 قازانى مەن 2021 جىلدىڭ 10 ءساۋىرى ارالىعىندا دۇنيەجۇزىلىك ەكسپو كورمەسى وتەدى. «بولاشاق ءۇشىن سانا-سەزىمدى بىرىكتىرۋ» تاقىرىبىندا, ونىڭ ىشىندە «مۇمكىندىك», «موبيلدىلىك» جانە «تۇراقتىلىق» دەگەن ۇعىمداردان تۇراتىن كورمەنى 25 ميلليوننان استام ادام تاماشالايدى دەپ كۇتىلۋدە. جالپى, ەكسپو كورمەسى تاياۋ شىعىستا العاش رەت وتكىزىلمەك.
كورمە كەشەنى ء«ۇش جاپىراق» پىشىنىندە ۇسىنىلعان جانە بىرىككەن اراب امىرلىكتەرىنىڭ پاۆيلونى, سونداي-اق كورمە ۇعىمدارىنا ساي 3 تاقىرىپتىق كلاستەر ديامەترى 150 مەتردى قۇرايتىن ء«ال-ۆاسل» پلازاسى ورتالىق نىسانىنىڭ قاسىندا ورنالاسادى. ءباا پاۆيلونىنىڭ جوباسىن يسپانيالىق ساۋلەتشى سانتياگو كالاتراۆا, «مۇمكىندىك» پاۆيلونىن BIG (Bjarke Ingels Group), «موبيلدىلىك» پاۆيلونىن Foster and Partners, «تۇراقتىلىق» پاۆيلونىن Grimshaw Architects كومپانيالارى جاسادى.
ەكسپو كەشەنىنىڭ جالپى اۋماعى 438 گەكتاردى قۇرايدى. وعان 150 گەكتار كولەمىندە كورمە اۋماعى, سونداي-اق جەرۇستى مەترو ستانساسى, «Dubai South Mall» ساۋدا ورتالىعى, تۇرعىن ءۇي, لوگيستيكالىق جانە قوناق ءۇي نىساندارى كىرەدى. قازىرگى ۋاقىتتا «ەكسپو-2020 دۋباي» كورمەسىنە 170 مەملەكەت قاتىساتىندىعىن راستاسا, 55 ەل كەلىسىمگە قول قويىپ ۇلگەردى.
«استانا ەكسپو-2017» ۇك» اق ءباسپاسوز قىزمەتىنىڭ حابارلاۋىنشا, دۋبايداعى دۇنيەجۇزىلىك ەكسپو-2020 كورمەسىندە قازاقستان رەسپۋبليكاسىنىڭ ۇلتتىق سەكتسياسىنىڭ باس كوميسسارى, «استانا ەكسپو-2017» ۇك» اق باسقارما توراعاسىنىڭ ورىنباسارى اللەن ءشايجۇنىسوۆ پەن «ەكسپو-2020 دۋباي» بيۋروسىنىڭ اتقارۋشى ديرەكتورى نادجيب موحاممەد ءال-ءالي دە كەلىسىمگە قول قويدى.
«ەگەمەن-اقپارات»