Cتۋدەنتتەر اراسىنداعى ح رەسپۋبليكالىق مۋزىكالىق سايىس باستالدى

جىلداعى داستۇرگە سايكەس ءتۇرلى جوعا­رى وقۋ ورىندارىنان كەلگەن سايىسقا قا­تى­سۋشىلاردى كونسەرۆاتوريا رەكتورى ءجانيا اۋباكىروۆا قۇتتىقتاۋ سوزىمەن قا­نات­تاندىرىپ, ءساتتى ونەر كورسەتۋگە شا­قىر­دى. قازاقستاننىڭ حالىق ءارتىسى ءاربىر قا­تى­سۋشىنىڭ جەڭىسكە لايىق ەكەنىنە سەندىردى. سە­بەبى ەرەكشە قابىلەتتىلەردى عانا تاڭداپ الاتىن مۋزىكالىق وقۋ ورداسىنىڭ ستۋدەنتى اتانۋ ءۇشىن ولار مەكتەپ قابىرعاسىنان باس­تاپ وتە كوپ ىرىكتەۋ سىندارىنان ءوتتى. «الدا سىزدەردى, جاس مۋزىكانتتاردى, قىزىقتى ءارى وتە ماڭىزدى سىناق كۇتىپ تۇر. ءبىرىڭىزدىڭ باعىڭىز جانىپ, جەڭىسكە جەتەسىز. ال ەكىنشىڭىز قۇندى تاجىريبە جينايتىن بولاسىزدار. كەي جان­دار­عا وسى سايىس شابىت بەرەدى. كاسىبي مۋ­زىكانت رەتىندە قالىپتاسىپ, ءارى قاراي شىڭ­دالۋعا قۇلشىنىس سىيلايدى», دەدى ءجانيا اۋباكىروۆا.

قازاقستان رەسپۋبليكاسىنىڭ تۇڭعىش پرەزيدەنتى – ەلباسى قورىنىڭ الماتى قالا­سىن­داعى وكىلى سەرگەي توحتاروۆ سايىستىڭ شارت­تارى قيىن ەكەندىگىن, الايدا بۇل وليمپيادا ونەردىڭ, سۇلۋلىقتىڭ, ناعىز تالانتتىڭ ايقىندالاتىن, كلاسسيكالىق مۋزىكانىڭ قۇدىرەتى رۋحاني سەرپىلىس سىيلايتىن بايگە بولىپ قالىپتاسقانىنا قۋاناتىنىن جەت­كىزدى. «جاس سايىسكەرلەرگە بۇل بايقاۋ نە بەرەدى؟ قاتىسۋشىلاردىڭ وزىنە, ءوز تالانتىنا سەنىم, ءادىل قازىلارعا قايتالانباس اسەر, ال كورەرمەندەرگە وتانىمىزدىڭ كەلەشەك جارىق جۇلدىزدارىمەن تانىستىق سىيلايتىنىنا ەش كۇمان كەلتىرمەيمىن», دەيدى س.توحتاروۆ.

سالتاناتتى كەش سوڭى ادەتتەگىدەي كونتسەرتكە ۇلاستى. ءبىرىنشى بولىپ ساحنادا «حالىق ءانى» فاكۋلتەتىنىڭ ستۋدەنتتەرى ونەر كورسەتتى. ەرعالي ايداروۆ, ايدوس تۇرار, ءبىرجان ايتاحمەتوۆ پەن ايگەرىم قۇل­جاراسوۆانىڭ ورىنداۋىندا كەڭ تارالعان حالىق اندەرىنەن پوپۋرري ورىندالدى.

قوس فورتەپيانونىڭ ورىنداۋىنا ار­نال­عان فرانتسۋز كومپوزيتورى داريۋس ميو­نىڭ «سكارامۋش» اتتى تاماشا تۋىن­دى­سىن دينارا توقمىرزيەۆا مەن اينۇر ابدىكەروۆانىڭ دۋەتى كاسىبي دەڭگەيدە ورىنداپ شىقتى. جەتىگەنشى قىزداردان قۇرالعان «كاۋسار» توبى نۇرعيسا تىلەنديەۆتىڭ «اققۋ» كۇيىمەن كورەرمەندەردى قۋانتتى. زالدا جينالعان قاۋىم پەدرو يتيۋرالدەنىڭ «چارداشىن» سىزىلتقان ساكسوفونشىلاردى ەرەكشە ىقىلاسپەن شىعارىپ الدى. ارتىنشا «حالىق ءانى» فاكۋلتەتى ستۋدەنتتەرىنىڭ ورىنداۋىندا كۇي-تارتىس بولدى.

مەرەكەلىك كەشتى يان رۋدكوۆسكي باسقارعان كونسەرۆاتوريانىڭ ارالاس حورى اياقتادى. مۋزىكالىق ۇجىم حالىق ءانى «نازقوڭىردى» ورىندادى. تۋىندى عالىمجان بەرەكەشەۆ پەن برازيليالىق Barbatuques «Voce chegou» توبىنىڭ وزگەشە ارلەۋىمەن ۇسىنىلدى.

ستۋدەنت سايىسكەرلەردىڭ اراسىنداعى بۇل جارىس 21 ساۋىرگە دەيىن جالعاسادى. ءبىر ايعا جۋىق وتەتىن مۋزىكالىق سايىس­تا جوعارى وقۋ ورىندارىنىڭ ستۋدەنتتەرى «اس­پاپ­تىق ورىنداۋشىلىق», «ديريجەرلىك», ء«ان ايتۋ شەبەرلىگى», «ۇلتتىق مۋزىكالىق ونەر», «كوم­پوزيتسيا», «ارت-مەنەدجمەنت», «مۋ­زى­كالىق ءبىلىم» سەكىلدى جەتى باعىت بويىنشا باق سىناسادى. بۇل 500 ادامنىڭ باسىن بىرىكتىرگەن وليمپيادانىڭ باستى ماقساتى – ستۋدەنتتەردىڭ وقۋ ورداسىنان العان ءبىلىمىن تاجىريبە جۇزىندە كورسەتۋدىڭ كەڭ مۇمكىندىگىن ۇسىنۋ, بيىك دەڭگەيدەگى بايگەلەرگە دايىنداۋ, ءوزىن-ءوزى كاسىبي شىڭداي تۇسۋگە, كەلەشەكتە مىقتى مامان بولىپ قالىپتاسۋىنا بەيىمدەۋ.

ايگۇل احانبايقىزى,

«ەگەمەن قازاقستان»

الماتى