مەملەكەت باسشىسىنىڭ ەلدى گازبەن قامتاماسىز ەتۋدى جالعاستىرۋ جونىندەگى بەسىنشى باستاماسى ءبىزدى دە بەيجاي قالدىرمادى. جالپى, تاۋەلسىزدىك العان جىلدان باستاپ ەلىمىزدە كوگىلدىر وتىن ءوندىرۋ كولەمى 8-دەن 52 ميلليارد تەكشە مەترگە دەيىن ارتقاندىعىن ايتا كەتپەكپىن. بۇگىنگى تاڭدا ەلىمىزدى گازبەن قامتۋ دەڭگەيى 50 پايىزعا جەتكەن.
الايدا ەلىمىزدىڭ ورتالىق جانە سولتۇستىك وڭىرلەرى ازىرگە گازسىز قالىپ وتىر. سوندىقتان دا قاراوزەكتەن (قىزىلوردا وبلىسى) جەزقازعانعا, ودان قاراعاندى مەن تەمىرتاۋعا جانە استاناعا تارتىلاتىن ماگيسترالدى گاز قۇبىرىن سالۋ كوزدەلىپ وتىر. ءارى قاراي, جوسپار بويىنشا – پاۆلودار, پەتروپاۆل جانە كوكشەتاۋ. اتالعان جوبانى جۇزەگە اسىرۋ 2,5 ملن ادامدى كوگىلدىر وتىنمەن قامتاماسىز ەتىپ قانا قويمايدى, سونىمەن قاتار جاڭا وندىرىستەر اشىلىپ, جاڭا جۇمىس ورىندارى پايدا بولىپ, ەكولوگيا ايتارلىقتاي جاقسارادى.
كومپانيامىز گاز وندىرۋمەن اينالىساتىندىقتان دا جوبانىڭ جۇزەگە اسىرىلۋىنا مۇددەلى ەكەندىگىن تاعى ءبىر قاپەرگە سالا كەتكەنىم ارتىق ەمەس. بۇل رەتتە ۇزاق مەرزىمگە ساقتاۋعا كەتەتىن شىعىندار قىسقارىپ, تسيستەرنالار ارقىلى تاسىمال جانە تەمىر جول تۇيىقتارىنا اپارىپ قويۋ سياقتى كوپتەگەن ارتىق ءىس-قيمىلدار قاجەتسىز بولىپ قالادى.
ەكولوگيالىق تازا وتىن سانالاتىن گازدان بولىنەتىن جىلۋ سۇيىق پەن قاتتى وتىنداردىڭ قىزۋىنان ەشبىر قالىسپايدى جانە دە قۋاتتى نەمەسە تەحنولوگيالىق وتىن رەتىندە پايدالانىلادى. ءوزى ارزان.
رينات مۋراتوۆ,
«اتباسارسكي-گاز» جشس ديرەكتورى
اقمولا وبلىسى