نيۋ-يوركتەگى بۇۇ شتاب-پاتەرىندە قازاقستان قورعانىس ءمينيسترىنىڭ ورىنباسارى تالعات مۇحتاروۆ باستاعان دەلەگاتسيا بۇۇ قاۋىپسىزدىك كەڭەسىنىڭ بىتىمگەرشىلىك ماسەلەلەرىنە ارنالعان وتىرىسىنا قاتىستى, دەپ حابارلايدى قورعانىس مينيسترلىگىنىڭ ءباسپاسوز قىزمەتى.
وتىرىسقا نيدەرلاندى پرەمەر-ءمينيسترى ماركا رۋتتە مەن بۇۇ باس حاتشىسى انتونيۋ گۋتەرريش توراعالىق ەتىپ, 72 ەلدىڭ دەلەگاتتارى قاتىستى.
شارادا ت. مۇحتاروۆ بۇۇ باس حاتشىسىنىڭ بىتىمگەرشىلىك وپەراتسيالارى جونىندەگى ورىنباسارى جان-پەر لاكرۋامەن كەزدەستى. كەزدەسۋدە تاراپتار قازاقستان رەسپۋبليكاسىنىڭ بۇۇ-مەن اسكەري سالاداعى ىنتىماقتاستىعى ماسەلەلەرى تالقىلاندى. بۇۇ باس حاتشىسىنىڭ ورىنباسارى قازاقستاننىڭ بىتىمگەرشىلىك الەۋەتىنىڭ ارتىپ كەلە جاتقانىن تىلگە تيەك ەتىپ, سالادا ۇلكەن تاجىريبە جيناقتاعان وزگە ەلدەرمەن ىنتىماقتاستىق جاساۋ تەتىكتەرىن اتاپ كورسەتتى.