2018 جىلى 29 ناۋرىزدا سانكت-پەتەربۋرگتە ۇجىمدىق قاۋىپسىزدىك شارتى ۇيىمى پارلامەنتتىك اسسامبلەياسىنىڭ ساياسي ماسەلەلەر جانە حالىقارالىق ىنتىماقتاستىق, سونداي-اق الەۋمەتتىك-ەكونوميكالىق جانە قۇقىقتىق ماسەلەلەر جونىندەگى تۇراقتى كوميسسيالارىنىڭ وتىرىستارى بولدى, دەپ حابارلادى قازاقستان رەسپۋبليكاسى پارلامەنتى سەناتىنىڭ ءباسپاسوز قىزمەتى.
كوميسسيا وتىرىستارىنا قازاقستان رەسپۋبليكاسى پارلامەنتى سەناتىنىڭ دەپۋتاتى, حالىقارالىق قاتىناستار, قورعانىس جانە قاۋىپسىزدىك كوميتەتىنىڭ مۇشەسى تولەۋبەك مۇقاشەۆ پەن قازاقستان رەسپۋبليكاسى پارلامەنتىنىڭ وكىلەتتى وكىلى – ۇقشۇ جاۋاپتى حاتشىسىنىڭ ورىنباسارى ۆيكتور روگالەۆ قاتىستى.
وتىرىس بارىسىندا بىرقاتار ماڭىزدى ماسەلەلەر قارالدى, ولاردىڭ ءبىر بولىگى ۇقشۇ پارلامەنتتىك اسسامبلەياسى كەڭەسىنىڭ بيىلعى ساۋىردەگى كەڭەسىندە تالقىلاۋعا شىعارالاتىن بولادى.
سەناتور تولەۋبەك مۇقاشەۆ ساياسي ماسەلەلەر جانە حالىقارالىق ىنتىماقتاستىق تۇراقتى كوميسسياسىنىڭ مۇشەلەرى الدىندا «قازاقستان رەسپۋبليكاسىنىڭ ۇجىمدىق قاۋىپسىزدىك شارتى ۇيىمىنداعى 2018 جىلعى توراعالىق ەتۋىندەگى باسىمدىقتارى تۋرالى» جانە «ەقىۇ پارلامەنتتىك اسسامبلەياسىنداعى قىسقى سەسسياسىنىڭ (ۆەنا, 2018 جىلعى 22-23 اقپان) قورىتىندىلارى تۋرالى جانە ەقىۇ پارلامەنتتىك اسسامبلەياسىنىڭ جىل سايىنعى جازعى سەسسياسىنىڭ (بەرلين, 2018 جىلعى 7-11 شىلدە) الدىن-الا كۇن ءتارتىبى تۋرالى» بايانداما جاسادى. قازاقستان رەسپۋبليكاسى پارلامەنتىنىڭ وكىلەتتى وكىلى ۆيكتور روگالەۆ ۇقشۇ پارلامەنتتىك اسسامبلەياسى دەلەگاتسياسىنىڭ 2018 جىلى 18 ناۋرىزدا وتكەن رەسەي فەدەراتسياسىنداعى پرەزيدەنت سايلاۋىنا حالىقارالىق بايقاۋعا قاتىسۋى جونىندەگى قورىتىندىلارمەن كوميسسيا مۇشەلەرىن حاباردار ەتتى. تۇراقتى كوميسسيا وتىرىستارىنىڭ قورىتىندىلارى بويىنشا ءتيىستى شەشىمدەر قابىلداندى.
تۇراقتى كوميسسيالار جۇمىسى اياقتالعاننان كەيىن دەپۋتاتتار مەن شاقىرىلعاندار كيروۆسك قالاسىنا بارىپ, لەنينگرادتىڭ قورشاۋدان بوساتۋعا ارنالعان شايقاستار كورىنىستەرىن كوردى. ۇقشۇ پارلامەنتتىك اسسامبلەياسىنا مۇشە مەملەكەتتەردىڭ جوعارى زاڭ شىعارۋ ورگاندارىنىڭ وكىلدەرى ادامزاتتى فاشيستىك قاتەردەن ازات ەتۋ ءۇشىن قازا تاپقان باتىرلار ەسكەرتكىشىنە تاعزىم ەتتى.