بۇگىن قىزىلوردا وبلىسىنا جۇمىس ساپارى اياسىندا قر پرەمەر-ءمينيسترى باقىتجان ساعىنتاەۆ ارال اۋدانىندا «ارالتۇز» تسەحتارى مەن ارال قالاسىنداعى بالىق وڭدەۋ زاۋىتىنىڭ مىسالدارى نەگىزىندە بالىق جانە ازىق-ت ۇلىك ونەركاسىبىنىڭ دامۋ قارقىنىمەن تانىستى, دەپ حابارلايدى primeminister.kz.
ارال ماڭىندا بالىق ونەركاسىبى قارقىندى دامىپ كەلەدى. قىزىلوردا وبلىسىندا 22 بالىق وڭدەۋ كاسىپورنى بار, ونىڭ ىشىندە ەۋروپالىق وداققا — 4, قىتايعا — 3, ەۋرازيالىق ەكونوميكالىق وداق ەلدەرىنە — 9-ى ءونىم ەكسپورتتايدى.
ايتا كەتەيىك, قر قارجى مينيسترلىگىنىڭ مەملەكەتتىك كىرىستەر كوميتەتىنىڭ مالىمەتتەرىنە سايكەس وتكەن جىلى بالىق جانە بالىق ونىمدەرىن ەكسپورتتاۋ كولەمى $56,5 ملن قۇرادى, باسقاشا ايتقاندا, قازاقستاندىق بالىقتىڭ ⅔ ەكسپورتقا جىبەرىلەدى. سونىمەن بىرگە, قىزىلوردا وبلىسىنىڭ ەكسپورتقا قوسقان ۇلەسى $12 ملن استى (3500 ت).
باقىتجان ساعىنتاەۆ قۋاتتىلىعى جىلىنا 6 000 توننا بولاتىن «ارال بالىق وڭدەۋ زاۋىتىنىڭ» وندىرىسىمەن تانىستى. دايىن ءونىم رەسەي, قىتاي, پولشا, گوللانديا, گەرمانيا, دانيا, گرۋزيا, ازەربايجان جانە وزبەكستان نارىقتارىنا ەكسپورتتالادى.