اقتوبە وبلىسىنىڭ اكىمى بەردىبەك ساپارباەۆ «قازاقتەلەكوم» اق باسقارما توراعاسى قۋانىشبەك ەسەكەەۆپەن كەزدەستى. جيىن بارىسىندا ءىرى تەلەكوممۋنيكاتسيالىق وپەراتوردىڭ باسشىسى ايماقتاعى كەڭجولاقتى ينتەرنەتكە قولجەتىمدىلىكتىڭ دامۋى تۋرالى جانە الداعى كەزەڭگە ارنالعان جوسپارلار تۋرالى حابارلادى, سونداي-اق «Smart سity» جوباسىن ىسكە اسىرۋ ءۇشىن جاڭا شەشىمدەر ۇسىندى.
- بيىلعى جىلى پيلوتتىق رەجيمدە «اقىلدى ءۇي» جوباسىن ىسكە قوسۋعا دايىنبىز, ونىڭ ىشىندە بەينەكامەرالاردى, قوزعالىس سەنسورلارىن, ەلەكتر ەسەپتەگىشتەرىن, سۋ بەرۋ كوزدەرىن جانە ت.ب. قوسۋ قامتاماسىز ەتىلەدى. بۇگىنگى كۇنى «اقىلدى قالا» اياسىندا اقتوبەلىك ۇيلەردىڭ كىرەبەرىسىندە 170 كامەرا جۇمىس ىستەپ تۇر, بيىل قوسىمشا 800 بەينە كامەرانى قوسۋ جوسپارلانىپ وتىر. بۇدان باسقا, الەۋمەتتىك وبەكتىلەردى تالشىقتى-وپتيكالىق بايلانىسقا قوسۋ بويىنشا جۇمىستار جۇرگىزىلۋدە. جاقىن ارادا ءبىز اقتوبەنى تسيفرلاندىرۋ سالاسىنداعى جەتەكشى قالالاردىڭ ءبىرى بولۋى ءۇشىن ايتارلىقتاي قاراجات سالامىز, - دەدى ق.ەسەكەەۆ.
ءوز كەزەگىندە وبلىس اكىمى مەملەكەت باسشىسىنىڭ تاپسىرماسىنا سايكەس «تسيفرلىق قازاقستان» باعدارلاماسىن ىسكە اسىرۋدىڭ ماڭىزدىلىعىن اتاپ ءوتتى.
- جالپى, ءبىز سىزدەردىڭ ۇسىنىستارىڭىزدى قولدايمىز جانە ءوڭىردى ءارى قاراي تسيفرلاندىرۋ ءۇشىن قاجەتتى قاراجات بولۋگە دايىنبىز. باستى ماسەلەلەردىڭ ءبىرى - ءبىلىم بەرۋ جانە دەنساۋلىق ساقتاۋ مەكەمەلەرىندە, اسىرەسە اۋىلدىق ەلدى مەكەندەردە ينتەرنەتتىڭ جىلدامدىعىن ارتتىرۋ, -دەپ اتاپ ءوتتى ب.ساپارباەۆ.
قازىرگى ۋاقىتتا «قازاقتەلەكوم» اق تىركەلگەن بايلانىس قىزمەتىن اقتوبە وبلىسىنىڭ پايدالانۋشىلارىنىڭ 80%-ىن قۇرايدى. بيىلعى جىلى كومپانيا وبلىس اكىمدىگىنىڭ بىرلەسكەن قارجىلاندىرۋىمەن 340 مەكتەپ پەن 325 مەديتسينالىق مەكەمەنى جوعارى جىلدامدىقتاعى ينتەرنەتپەن قامتاماسىز ەتۋدى جوسپارلاپ وتىر. وسى ماقساتتارعا 875 ملن. تەڭگەدەن استام قارجى جۇمسالادى, ونىڭ 450 ملن. تگ كومپانيا قارجىسى بولىپ وتىر. سونداي-اق, اۋداندىق اكىمدىكتەر مەن حقكو جوعارى جىلدامدىقپەن ينتەرنەت جەلىسىنە كىرۋدى قامتاماسىز ەتۋ جوسپارلانىپ وتىر. قۇقىق قورعاۋ, كولىك جانە تۇرعىن ءۇي-كوممۋنالدىق شارۋاشىلىق سالاسىندا دا جاڭا تسيفرلىق تەحنولوگيالاردى قولدانۋ جوسپارلانۋدا.
تەمىر قۇسايىن,
«ەگەمەن قازاقستان»