اۆتوتۇراق اقىسىن تولەمەۋگە قاتىستى قۇقىق بۇزۋشىلىقتاردىڭ وقيعالارىمەن 2888.kz/kz سايتىندا تانىسۋعا بولادى. كولىك يەلەرى اۆتوتۇراق اقىسىن تولەمەگەن كولىك قۇرالدارى نومىرلەرىنىڭ ءتىزىمى كۇن سايىن جاڭارىپ وتىرادى, دەپ حابارلايدى «پاركوۆوچنوە پروسترانستۆو استانى» جشس.
سەرىكتەستىكتە بەلگىلى بولعانداي, نۇرجول جەلەكجولىنداعى اقىلى اۆتوتۇراققا 2 اي ىشىندە 3 مىڭنان استام كولىك باسقارۋشى ءوز كولىگىن قويعان. ولاردىڭ باسىم بولىگى اقىلى اۆتۇراقتىڭ بەلگىسىن ەلەمەي, اۆتوتۇراققا كولىگىن قويعان ۋاقىتى ءۇشىن اقى تولەمەپتى.
«قر اقبك-ءنىڭ 597 «توقتاۋ جانە كولىك قۇرالدارىن تۇراققا قويۋ» بابى بويىنشا اۆتۇراق اقىسىن تولەۋدەن جالتارعاندار 3 اەك كولەمىندەگى ايىپپۇلعا كەسىلەدى. ءبىر جىل ىشىندە اتالمىش قۇقىق بۇزۋشىلىق قايتا جاسالعان جاعدايدا تولەنەتىن ايىپپۇلدىڭ كولەمى 5 اەك-كە دەيىن ارتادى.
2018 جىلى 1اەك مولشەرى 2405 تەڭگەنى قۇرايدى», - دەلىنگەن تاراتىلعان حابارلامادا.
ايتا كەتەيىك, نۇرجول جەلەكجولىنداعى اقىلى اۆتوتۇراقتا 487 ورىن بار. مۇندا 12 پاركومات جۇمىس ىستەيدى.