بۇگىن ۇكىمەت وتىرىسىندا كۇن تارتىبىنەن تىس شىعىس قازاقستان وبلىسىندا ورىن العان سۋ تاسقىنى ماسەلەسى قارالدى. بۇل تۋرالى primeminister.kz حابارلادى.
قابىلدانعان شارالار تۋرالى شىعىس قازاقستان وبلىسىنىڭ اكىمى دانيال احمەتوۆ بايانداما جاسادى. اۋا رايى قولايسىزدىعىنىڭ سالدارىنان شىعىس قازاقستان وبلىسىندا 230 تۇرعىن ءۇي سۋ استىندا قالدى.
وبلىس اكىمدىگىنىڭ اقپاراتىنا سايكەس, سۋ باسقان ۇيلەردەن 1526 ادام قاۋىپسىز جەرگە كوشىرىلدى. «قىزىل جارتى اي» قوردىڭ قىزمەتكەرلەرى 14 ملن تەڭگە سوماسىندا 471 ادامعا ماتەريالدىق كومەك كورسەتتى.
7–25 ناۋرىز ارالىعىندا وبلىستا اۆتوكولىك جولدارىنىڭ جانە سۋ وتكىزۋ قۇبىرلارىنىڭ 2 سۋ شايىپ كەتۋى مەن 17 ارنادان اسۋى ورىن الدى. قازىرگى ۋاقىتتا 2 سۋ شايىپ كەتۋ مەن 14 ارنادان اسۋ ماسەلەلەرى جويىلدى, 3 ىقتيمال ارنادان اسۋ باقىلاۋعا الىندى.
قر ىشكى ىستەر ءمينيسترىنىڭ ورىنباسارى ج. سۇلەيمەنوۆ پەن ەنەرگەتيكا ءمينيسترى ق. بوزىمباەۆ سۋ تاسقىنىنا قارسى شارالار مەن گيدرومەتەورولوگيالىق بولجامدار تۋرالى باياندادى.
اتالعان ماسەلەنى قاراۋدى قورىتىندىلاي كەلە, قر پرەمەر-ءمينيسترى باقىتجان ساعىنتاەۆ وڭىرلەردىڭ, استانا مەن الماتى قالالارىنىڭ اكىمدەرىنە سۋ تاسقىنى جاعدايىن ەرەكشە باقىلاۋعا الۋدى جانە زارداپ شەككەندەرگە بارلىق قاجەتتى كومەك كورسەتۋدى تاپسىردى.
ۇيلەستىرۋ جۇمىستارى پرەمەر-ءمينيستردىڭ ءبىرىنشى ورىنباسارى ا. مامينگە جۇكتەلدى.