دۋباي قالاسىندا كونستيتۋتسيالىق كەڭەس توراعاسى قايرات ءمامي دۋباي حالىقارالىق قارجى ورتالىعى داۋلاردى شەشۋ جونىندەگى ورگانىنىڭ باس اتقارۋشى ديرەكتورى مارك بير مىرزامەن كەزدەستى.
كەزدەسۋگە قازاقستاندىق تاراپتان «استانا» حالىقارالىق قارجى ورتالىعىنىڭ باسقارۋشىسى قايرات كەلىمبەتوۆ تە قاتىستى.
كونستيتۋتسيالىق كەڭەس توراعاسى شەتەلدىك سەرىكتەستەرىن قازاقستاندا وتكەن جىلى جۇرگىزىلگەن كونستيتۋتسيالىق رەفورمانىڭ نەگىزگى ەرەجەلەرىمەن, اتاپ ايتقاندا, «استانا» حالىقارالىق قارجى ورتالىعىنىڭ قىزمەتىنە قاتىستى ەرەجەلەرمەن تانىستىردى.
ءوز كەزەگىندە, مارك بير مىرزا جانە ونىڭ ارىپتەستەرى قازاقستاندىق دەلەگاتسيانى دۋباي حالىقارالىق قارجى ورتالىعىنىڭ, سول جەردە قۇرىلعان داۋلاردى شەشۋ جونىندەگى ورگاننىڭ جانە قۇقىق اكادەمياسىنىڭ قىزمەتى تۋرالى حاباردار ەتتى.
كەزدەسۋدى قورىتىندىلاي كەلە, اڭگىمەلەسۋشىلەر اتالعان قارجى ورتالىقتارىندا ينۆەستيتسيالىق جوبالاردى ىسكە اسىرۋ ماسەلەلەرىندە ودان ءارى ىنتىماقتاستىقتى جالعاستىرۋ جانە تاجىريبە الماسۋ تۋرالى ۋاعدالاستى.
«ەگەمەن-اقپارات»