ەلباسى تاۋەلسىزدىكتىڭ العاشقى جىلدارىنان-اق ادامي كاپيتالدىڭ دامۋىنا باسا ءمان بەرىپ كەلەدى. ء«تورتىنشى ونەركاسىپتىك رەۆوليۋتسيا جاعدايىنداعى دامۋدىڭ جاڭا مۇمكىندىكتەرى» اتتى بيىلعى جولداۋىندا مەملەكەت باسشىسى ادامي كاپيتالدى «جاڭعىرۋ نەگىزى» دەپ اتادى. مۇنىڭ قورعانىس سالاسىنا دا تىكەلەي قاتىسى بار.
بارلىق وزىق ەلدەردە جاۋىنگەرلەردىڭ ساپاسىنا, جەكە قۇرامنىڭ مورالدىق-پسيحولوگيالىق جاعدايىنا دەگەن قامقورلىق مەملەكەتتىك ساياسات دەڭگەيىنە كوتەرىلگەن. ويتكەنى, اسكەريلەردىڭ بيىك رۋحى, قارۋلى كۇشتەردەگى قىزمەتىن ماقتانىش تۇتۋى, سايىپ كەلگەندە, جاۋىنگەرلىك دايارلىقتى جانە ەلدىڭ قورعانىس قابىلەتىن جوعارى دەڭگەيدە قامتاماسىز ەتۋگە ىقپال ەتەدى.
«قازاقستان رەسپۋبليكاسىنىڭ قارۋلى كۇشتەرىندە قورعانىس مينيسترلiگi اپپاراتىنان, رەسپۋبليكالىق ۇلاننان, شەكارا جانە Iشكi اسكەرلەرiنەن, اسكەري مەكەمەلەردەن باستاپ روتالارعا دەيiنگi بۋىنداردا كومانديرلەردiڭ (باستىقتاردىڭ) تاربيە جانە الەۋمەتتiك-قۇقىقتىق جۇمىس جونiندەگi ورىنباسارلارىنىڭ ينستيتۋتى ەنگiزiلسiن», دەپ انىق جازىلعان ەدى پرەزيدەنتتىڭ 1993 جىلعى №1084 جارلىعىندا. وسىلايشا تاۋەلسىزدىكتىڭ العاشقى جىلدارىندا قارۋلى كۇشتەردەگى تاربيە جانە الەۋمەتتiك-قۇقىقتىق جۇمىستىڭ (بۇدان ءارى – تاقج) ىرگەلى نەگىزى قالاندى.
الايدا بۇل سالا كەيىن وزگەرىسكە ۇشىراپ, قازىرگى ۋاقىتتا قارۋلى كۇشتەردە اتالعان جۇمىس باس شتابقا جۇكتەلگەن. وسىنىڭ ناتيجەسىندە, قازىرگى كەزدە قورعانىس مينيسترلىگىنىڭ ورتالىق اپپاراتىندا تاقج-نىڭ دەربەس باسقارۋ ورگانى جوق; تاربيە جانە الەۋمەتتىك-قۇقىقتىق جۇمىستاردى ۇيىمداستىرۋمەن, جەكە قۇرامنىڭ مورالدىق-پسيحولوگيالىق احۋالىن جانە اسكەري ءتارتىبىن نىعايتۋمەن باس شتابتىڭ تاربيە جانە يدەولوگيالىق جۇمىستار دەپارتامەنتى اينالىسادى. ال بۇل تاقج ورگاندارى مارتەبەسىنە جاۋاپ بەرمەيدى.
وسىعان بايلانىستى تاقج دەڭگەيىن كوتەرىپ, قورعانىس ءمينيسترىنىڭ تاربيە جانە الەۋمەتتiك-قۇقىقتىق جۇمىس جونىندەگى ورىنباسارى لاۋازىمىن قايتا قالپىنا كەلتىرۋدى ۇسىنامىن.
قازاقستاندا قورعانىس سالاسىنداعى مەملەكەتتىك ساياساتتى, قارۋلى كۇشتەردi əسكەري-ساياسي جəنە əسكەري-ەكونوميكالىق باسقارۋدى جۇزەگە اسىرۋ قورعانىس مينيسترلىگىنىڭ قۇزىرىندا. دەمەك, قارۋلى كۇشتەردە, باسقا دا اسكەرلەر مەن اسكەري قۇرىلىمداردا تاقج ۇيىمداستىرۋدا بىرىڭعاي ادىستەمەنىڭ نەگىزىن قالاۋشى دا قورعانىس مينيسترلىگى بولۋى ءتيىس. الايدا مينيسترلىكتىڭ اتالعان باسشىلىق ءرولىنىڭ جوقتىعى ناتيجەسىندە تاقج ۇيىمداستىرۋدىڭ بىرىڭعاي جۇيەسى دە جوق بولىپ وتىر. ال اسكەري ۆەدومستۆولاردىڭ (ۇقك شەكارا قىزمەتى, ۇلتتىق ۇلان, مەملەكەتتىك كۇزەت قىزمەتى) اسكەري باسقارۋ ورگاندارى وزدەرى باسقاراتىن اسكەري قىزمەتكەرلەردى تاربيەلەۋ سالاسىنداعى كوزقاراستار مەن نۇسقامالار جۇيەلەرىنىڭ تۇجىرىمداماسىن ارقايسىسى ءوز بەتىنشە انىقتاۋعا ءماجبۇر.
وسى ايتىلعانداردى ەسكەرىپ, اسكەري قۇرىلىمداردا تاربيە جانە الەۋمەتتىك-قۇقىقتىق جۇمىستاردى ۇيىمداستىرۋ تۇجىرىمداماسىن ازىرلەۋگە تاپسىرما بەرۋدى ۇسىنعان دەپۋتاتتىق ساۋال پرەمەر-مينيستر ب.ساعىنتاەۆتىڭ اتىنا جولداندى.
سونىمەن قاتار جۇرتشىلىق, اسىرەسە, جاستار اراسىندا اسكەري قىزمەتتىڭ بەدەلىن كوتەرۋ, قوعامدىق سانادا وتان قورعاۋشىنىڭ وڭ بەينەسىن سومداۋ ءۇشىن قازاقستاندا جەكە اسكەري تەلەارنا قۇرۋ ماسەلەسىن قاراستىرۋ سۇرالدى. سونداي-اق ەلباسى جاريالاعان «رۋحاني جاڭعىرۋ» باعدارلاماسىنداعى باستامانى ۇلگى ەتە وتىرىپ, تاۋەلسىز قازاقستاننىڭ وتان قورعاۋشىلارىنىڭ قاھارماندىعى مەن جەتىستىكتەرىن كورسەتىپ, قوعام اراسىندا ناسيحاتتايتىن «اسكەردەگى 100 جاڭا ەسىم» جوباسىن وتكىزۋ دە ۇسىنىلدى.
باقىتبەك سماعۇل,
ءماجىلىس دەپۋتاتى