تۇرعىن ۇيلەر توزىپ تۇر

جوندەۋ بارىسىندا ۇيلەردىڭ شاتىرلارى, قاسبەتتەرى, جەرتولەلەرى, جىلۋ جۇيەلەرى, ليفت شارۋا­شى­لىقتارى قالپىنا كەلتىرىل­دى. مەملەكەتتىك قولداۋدىڭ ار­قاسىندا قالا تۇرعىندارىنا ونداعان جىلدار بويى جينالىپ, قولايسىزدىقتار تۋىن­داتقان بىرقاتار ماسەلە شەشىلدى. ايتا كەتەرلىك جايت, جوندەۋدەن وتكىزىلگەن ۇيلەردىڭ شىعىن قاراجاتى تولىق كولەمدە تۇرعىنداردان قايتارىلدى.

2013 جىلى اتالعان باع­دار­لامانىڭ توقتاتىلۋى سەبەبى­نەن ەسكى ۇيلەردىڭ تەحنيكالىق كۇيىن جاقسارتۋعا باعىتتالعان جوسپارلى جۇمىستى جالعاس­تىرۋعا مۇمكىندىك بولمادى. قالا ۇيلەرىنىڭ ءبىرشاما بولىگى سوناۋ كەڭەس وكىمەتى زاما­نىن­دا بوي كوتەرگەن, قازىر­گى تاڭدا كەيبىر عيمارات­تار­دىڭ سالىنعانىنا 50 جىلدان استى. قالاداعى 250-دەن استام كوپ قا­بات­تى عيمارات, ياعني بارلىق كوپ قا­باتتى تۇرعىن ءۇيدىڭ 25%-ى جەد­ەل كۇردەلى جوندەۋ جۇ­­مىس­­تارىن تالاپ ەتەدى. ءبىر عانا وسىن­داي عيماراتتى جون­دەۋدەن وتكىزۋ ءۇشىن كەمىندە 25 ملن تەڭگە قاراجات قاجەت. ەلى­مىز بويىنشا جالاقىسى ەڭ تومەن دەڭگەيدەگى پەتروپاۆل تۇر­عىندارى ءۇشىن بۇل قوماقتى قاراجات. پاتەر يەلەرىنىڭ قىس­قا مەرزىمدە اتالعان سومانى جي­ناۋعا مۇمكىنشىلىگى جوق, الاي­دا ولاردى باعدارلاما شارت­تارى تولىعىمەن قانا­عات­تاندىرىپ وتىر.

پەتروپاۆل تۇرعىندارى ساي­لاۋ­شىلارىمەن كەزەكتى كەز­دەسۋلەر بارىسىندا وسى­عان قاتىستى پروبلەما­لار: قۇلاپ جات­قان شاتىرلار, ىستەن شىق­قان ليفتىلەر, جون­دەۋدى قاجەت ەتەتىن كىرە­بە­رىس­تەر مەن جەر­تولەلەر ماسە­لەلەرى ءجيى قوز­عالادى. باع­دار­لاما ولار­دىڭ كوپشىلىگى ءۇشىن ءومىر ءسۇرۋ جاعدايىن وڭ­تاي­لاندىرۋد­ىڭ نەگىزگى تەتىگى بولىپ وتىر. سە­بەبى جىلۋ جۇيەسى جانە سۋمەن جاب­دىقتاۋ جۇيەسى اپاتتىق جاعدايدا تۇرعان, توبەسىنەن سۋ اققان جانە ليفتىلەرى ىس­تەن شىققان ۇيلەردىڭ كوپ پا­تەر­­لەرىندە ناۋقاس قارتتار مەن با­لالار ءومىر ءسۇرىپ جاتىر.

سوندىقتان حالىقتىڭ نە­گىزگى قاجەتتىلىكتەرىن تولىق قا­­­نا­­ع­­اتتاندىرۋعا جاعداي جاسا­ماي وتىرىپ, قالانىڭ ودان ءارى دامۋى, يننوۆاتسيالاردىڭ تارا­­­لۋى جانە «اقىلدى» تەحنو­لو­­گيا­­لاردى ەنگىزۋ تۋرالى ءسوز قوز­عاۋ اقىلعا سىيمايدى. قا­لا تۇر­عىندارىنىڭ كوپ­شى­­لىگى ءۇشىن ۇيلەرىنىڭ توزۋى – وزەك­تى ما­سەلەگە اينالعان. ولار باعدار­لامانىڭ قايتادان جال­عاسىن تاباتىندىعىنا ۇمىت­­تەنۋدە جانە ءومىر ءسۇرۋ جاع­­داي­­لارىن جاقسارتۋ مۇمكىن­دى­گىن كۇتۋدە.

وسى ماسەلەگە بايلانىستى, ءبىز پرەمەر-مينيستر باقىت­جان ساعىنتاەۆتىڭ اتىنا د­ە­پۋتاتتىق ساۋال جولداپ, تۇر­عىن ءۇي-كوممۋنالدىق شارۋا­شىلىعىن جاڭعىرتۋ باعدار­لاماسىن قايتا جانداندىرۋ جانە پەتروپاۆل قالاسىنىڭ تۇر­عىن ۇيلەرىن جوندەۋگە رەس­پۋب­ليكالىق بيۋدجەتتەن ءتيىس­تى قاراجات ءبولۋ ماسەلەسىن قاراس­تىرۋدى سۇرادىق.

ەرىك سۇلتانوۆ,

سەنات دەپۋتاتى