2018 جىلعى 19 ناۋرىزدا قازاقستان رەسپۋبليكاسى ورتالىق سايلاۋ كوميسسياسىنىڭ توراعاسى بەرىك يماشەۆ رەسەي فەدەراتسياسى پرەزيدەنتىنىڭ سايلاۋىنداعى تمد بايقاۋشىلارى ميسسياسىنىڭ جۇمىس قورىتىندىسى بويىنشا ءباسپاسوز كونفەرەنتسياسىنا قاتىستى.
ءباسپاسوز-كونفەرەنتسياسى رەسەي فەدەراتسياسى ورتالىق سايلاۋ كوميسسياسىنىڭ اقپارات ورتالىعىندا بولدى.
بايقاۋشىلار ميسسياسىنىڭ باسشىسى, تمد اتقارۋ كوميتەتى توراعاسىنىڭ ءبىرىنشى ورىنباسارى ۆيكتور گۋمينسكي 18 ناۋرىزدا بولعان رەسەي فەدەراتسياسى پرەزيدەنتىنىڭ سايلاۋى تازا, اشىق, زاڭدى وتكەنىن مالىمدەدى.
قازاقستان وسك توراعاسى ب.يماشەۆ تمد بايقاۋشىلارى ميسسياسىنىڭ قۇرامىندا 136 قازاقستاندىق بايقاۋشى رەسەي فەدەراتسياسىنىڭ 23 سۋبەكتىسىندە سايلاۋدى بايقاۋعا قاتىسىپ, تمد بايقاۋشىلارى ميسسياسى باعا بەرگەندە پىكىرلەرى ەسكەرىلگەنىن مالىمدەدى.
– رەسەيلىك سايلاۋشىلار ەلەكتوراتتىق, قۇقىقتىق جانە ساياسي مادەنيەتتىڭ جوعارى دەڭگەيىن كورسەتتى. ءبىز رف وسك تاراپىنان سايلاۋ راسىمدەرىن كاسىبي ۇيىمداستىرۋدىڭ, بارلىق دەڭگەيدەگى سايلاۋ كوميسسيالارىنىڭ ءىس-ارەكەتىن انىق ۇيلەستىرۋدىڭ, ورتالىق جانە جەرگىلىكتى باسقارۋ ۇيىمدارىنىڭ, ازاماتتىق قوعام مەن حالىقارالىق ۇيىمداردىڭ وكىلدەرىمەن ناتيجەلى ءوزارا ارەكەتتەستىكتىڭ كۋاگەرى بولدىق.
ءبىز ءۇشىن «سايلاۋ ءتۇنى-2018» ونلاين مارافونىن ۇيىمداستىرۋ مەن وتكىزۋ تاجىريبەسى قىزىقتى بولدى, – دەدى ب.يماشەۆ.
تمد بايقاۋشىلارى ميسسياسىنىڭ مالىمدەمەسى ون كۇننەن سوڭ جاريالاناتىنىن اتاپ ءوتۋ كەرەك.
«ەگەمەن-اقپارات»