نۇرسۇلتان نازارباەۆ ارمەن ساركيسيانعا ارمەنيا رەسپۋبليكاسىنىڭ پرەزيدەنتى بولىپ سايلانۋىنا بايلانىستى قۇتتىقتاۋ جەدەلحاتىن جولدادى, دەپ حابارلايدى اقوردانىڭ ءباسپاسوز قىزمەتى.
مەملەكەت باسشىسى قازاقستان حالقىنىڭ جانە جەكە ءوزىنىڭ اتىنان ارمەن ساركيسياندى ارمەنيا رەسپۋبليكاسىنىڭ پرەزيدەنتى بولىپ سايلانۋىمەن قۇتتىقتادى.
ء«سىزدىڭ كاسىبي بىلىكتىلىگىڭىز بەن ومىرلىك تاجىريبەڭىز دوستاس ارمەنيانىڭ قارقىندى دامۋ جولىندا جاڭا تابىستارعا قول جەتكىزۋىنە مۇمكىندىك بەرەدى دەپ سەنەمىن.
ءسىزدىڭ بەلسەندى قولداۋىڭىزدىڭ ارقاسىندا استانا مەن ەرەۆان اراسىنداعى دوستىق پەن ءوزارا ءتيىمدى ىنتىماقتاستىققا نەگىزدەلگەن قارىم-قاتىناستار الداعى ۋاقىتتا دا ەلدەرىمىزدىڭ يگىلىگى ءۇشىن دامي بەرەدى دەپ ويلايمىن.
سىزگە زور دەنساۋلىق, جاۋاپتى قىزمەتىڭىزدە تابىس, ال ارمەنيا حالقىنا بەيبىتشىلىك پەن باق-بەرەكە تىلەيمىن», – دەلىنگەن جەدەلحاتتا.