ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋدىڭ 2017-2021 جىلدارعا ارنالعان باعدارلاماسىنىڭ تالاپتارى وزگەردى. بۇل تۋرالى بۇگىن «دامۋ» كاسىپكەرلىكتى دامىتۋ قورى» اق ءباسپاسوز قىزمەتى مالىمدەمە تاراتتى.
بۇل باعدارلاما حالىقتىڭ ءونىمدى ىسپەن اينالىسىپ, تابىسىن ارتتىرۋعا جاعداي تۋعىزۋ ماقساتىندا جۇزەگە اسىرىلا باستاعان-دى. اتالمىش باعدارلاما باعىتتارىنىڭ ءبىرى – ميكرو جانە شاعىن بيزنەسكە نەسيە بەرۋ. وسى ماقساتتا ءىسىن جاڭا باستاعان جانە بيزنەسى بار كاسىپكەرلەردى, جۇمىسسىزدار مەن كاسىپكەرلىككە بەيىمى بار ءوزىن-ءوزى جۇمىسپەن قامتۋشىلاردى قارجىلاندىرۋ كوزدەلگەن.
باعدارلامانىڭ جاڭا رەداكتسياسىندا ءىسىن جاڭا باستاعان جانە بيزنەسى بار كاسىپكەرلەر جينايتىن قۇجاتتار قاتارىنا وزگەرىس ەندى. بۇعان دەيىن نەسيە نەمەسە ميكرونەسيە الۋ ءۇشىن ءىسىن جاڭا باستاعان كاسىپكەر «ەڭبەك نارىعى» اۆتوماتتاندىرىلعان اقپاراتتىق جۇيەسىنىڭ تەكسەرۋىنەن ءوتىپ, حالىقتى جۇمىسپەن قامتۋ ورتالىعىنان جولداما الىپ, ول قۇجاتتى بيزنەس-جوسپارىمەن بىرگە وتكىزۋ كەرەك ەدى. جاڭا وزگەرىستەر بويىنشا, بيزنەسى بار كاسىپكەرلەر ءۇشىن بۇل جولدامانىڭ قاجەتى جوق. ال ءىسىن جاڭا باستاعان كاسىپكەرلەر ءۇشىن قۇجاتتى كۇتۋ مەرزىمى ناقتىلانىپ, 2 جۇمىس كۇنىن قۇرادى.
باعدارلاما تالاپتارى بويىنشا بۇعان دەيىن بۇل جولدامانىڭ دايىن بولۋ مەرزىمى بەلگىسىز بولىپ, ءوز ءىسىن اشپاق بولعان جاندار قارجىنى ۇزاق كۇتەتىن. تۇرعىن-جاي الۋعا, سالۋعا جانە جەر تەلىمدەرىن ساتىپ الۋعا ميكرونەسيە بەرۋگە تىيىم سالاتىن تالاپ تا وزگەردى. ەندى باعدارلاماعا ەنگەن تۇزەتۋدىڭ ارقاسىندا كاسىپكەرلەر نەسيە قاراجاتىنا تۇرعىن-جاي ساتىپ الىپ, 12 اي ىشىندە ماقساتىنا سايكەس قايتا رەسىمدەي الادى.
سونداي-اق باعدارلاماعا بۇعان دەيىن ۇساق بيزنەس اشقان نەمەسە ونى كەڭەيتۋگە ميكرونەسيە العان كاسىپكەرلەرگە قاتىستى قوسىمشا تالاپتار دا ەنگىزىلدى. ەندى كاسىپكەرلەر جەرگىلىكتى اتقارۋشى ورگاندار قاراجاتىنان جول, كارىز جۇيەلەرى, جىلۋ, سۋ, گازبەن قامتاماسىز ەتۋ, تەلەفون جانە ەلەكتر جەلىلەرى سەكىلدى ينفراقۇرىلىم جۇيەلەرىن جۇرگىزە الادى. مۇنىمەن قاتار ەكىنشى دەڭگەيلى بانكتەر مەن ميكروقارجى ۇيىمدارىنا سالىنعان قاراجاتتى يگەرۋ مەرزىمى دە 12 ايدان 6 ايعا دەيىن قىسقاردى.
ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋدىڭ 2017-2021 جىلدارعا ارنالعان باعدارلاماسىنا 2018 جىلى 10 ملرد تەڭگە جۇمسالادى دەپ جوسپارلانىپ وتىر. باعدارلاماعا جۇمىسسىزدار, ءوزىن-ءوزى اسىراۋشىلارمەن قاتار ءىسىن جاڭا باستاعان جانە بيزنەسى بار كاسىپكەرلەر دە قاتىسا الادى. ءبىر ادامعا 8000 اەك كولەمىندە قارجى جىلىنا 6 پايىزدان اسپايتىن مولشەرلەمەمەن بەرىلەدى. سونداي-اق كەپىلزاتى جەتپەگەن كاسىپكەرلەر باعدارلاما اياسىندا «دامۋ» قورىنىڭ كەپىلدەمەسىن دە الا الادى. ول بويىنشا ستارتاپتارعا نەسيە سوماسىنىڭ 85 پايىزىنا دەيىن, باسقا جوبالارعا 50 پايىزعا دەيىن كەپىلدىك بەرىلەدى.
قازىرگى كەزدە جالپى سوماسى 6,6 ملرد تەڭگە نەسيە العان كاسىپكەرلەر سانى 593-كە جەتتى.
ايناش ەسالي, «ەگەمەن قازاقستان»
الماتى