قازاقستان مەن رەسەيدىڭ پارلامەنتشىلەرى ەكىجاقتى ىنتىماقتاستىقتى دامىتۋدى, حالىقارالىق جانە ايماقتىق قاۋىپسىزدىكتىڭ وزەكتى ماسەلەلەرىن, حالىقارالىق پارلامەنتتىك ۇيىمدارداعى ءوزارا ءىس-قيمىل مەن جۇمىستى ۇيلەستىرۋدى تالقىلادى, دەپ حابارلايدى سەناتتىڭ ءباسپاسووز قىزمەتى.
ماسكەۋدە قازاقستان رەسپۋبليكاسى پارلامەنتى سەناتى حالىقارالىق قاتىناستار, قورعانىس جانە قاۋىپسىزدىك كوميتەتى مەن رەسەي فەدەراتسياسى فەدەرالدىق جينالىسى فەدەراتسيا كەڭەسىندەگى حالىقارالىق ىستەر, قورعانىس جانە قاۋىپسىزدىك كوميتەتتەرى مۇشەلەرىنىڭ بىرلەسكەن وتىرىسى بولدى.
سەنات كوميتەتىنىڭ توراعاسى داريعا نازارباەۆا ءبىزدىڭ ەلدەرىمىز اراسىنداعى قاتىناستار ورنىقتى ستراتەگيالىق ارىپتەستىك سيپاتىنا يە بولعانىن اتاپ ءوتتى.
ء«تيىمدى پارلامەنتارالىق ىنتىماقتاستىقتى دامىتۋ قازاقستان مەن رەسەي پارلامەنتشىلەرىنىڭ سەنىمدى ۇنقاتىسۋ مەن ناتيجەلى جۇمىستارىنا ىقپال ەتەدى», دەدى سەناتور د.نازارباەۆا قازاقستان پارلامەنتىندە تمد پاا ۇلگى زاڭنامالىق اكتىلەرىن تالقىلاۋ مەن بەلسەندى پايدالانۋ ءداستۇرلى تاجىريبەگە اينالعانىن, ول ەكى ەلدىڭ زاڭناماسىن ۇيلەستىرۋدە تيىمدىلىگىن كورسەتىپ وتىرعانىن اتاپ ءوتتى.
رەسەي فەدەراتسياسى فەدەراتسيا كەڭەسى توراعاسىنىڭ ورىنباسارى يلياس ۋماحانوۆ قازاقستان سەناتورلارىنىڭ ساپارى دايەكتى ستراتەگيالىق ارىپتەستىك پەن ءبىزدىڭ حالىقتار اراسىنداعى تاريحي باۋىرلاستىقتىڭ جانە دوستىق قاتىناستاردىڭ كورىنىسى ەكەنىن اتاپ ءوتتى. مەملەكەتتەر كوشباسشىلارى ۆ.ۆ. پۋتين مەن ن.ءا.نازارباەۆتىڭ اراسىنداعى جىلى شىرايلى ءارى سەنىمدى قاتىناستار ەكى ەلدىڭ قارىم-قاتىناستارىن نىعايتۋدا اتقارعان ءرولى وراسان زور ەكەنى ايتىلدى.
تاراپتار قازاقستان سەناتى مەن رەسەيدىڭ فەدەراتسيا كەڭەسى اراسىنداعى ىنتىماقتاستىق جونىندەگى كوميسسيا جۇمىسىنىڭ تيىمدىلىگىن اتاپ ءوتتى. «وسىنداي سيپاتتاعى جۇمىس ءوزىن-ءوزى تولىقتاي اقتادى جانە ەكى ەل اراسىنداعى ستراتەگيالىق ارىپتەستىكتى نىعايتۋدا دەپۋتاتتىق كورپۋس ءرولىنىڭ ارتا تۇسۋىنە ىقپال ەتەدى», دەدى د.نازارباەۆا.
وتكەن 10 جىلدا پارلامەنت ءبىزدىڭ ەلدەرىمىزدىڭ اراسىندا 50-گە جۋىق شارتتاردى راتيفيكاتسيالادى, ول قازاقستان مەن رەسەيدىڭ ەكونوميكالىق ىقپالداستىعىن ۇدەتە تۇسۋگە وڭ ىقپال ەتتى.
سەناتورلار سونداي-اق يۋري گاگارين اتىنداعى عارىشكەرلەر دايارلايتىن عىلىمي-زەرتتەۋ سىناق ورتالىعىندا بولىپ, بازا ورتالىعىنداعى جاتتىعۋ نىساندارىن ارالادى جانە ونىڭ باسشىلىعىمەن كەزدەستى. دەپۋتاتتار يۋ.گاگارين ەسكەرتكىشىنە گۇل شوقتارىن قويدى.