اتىراۋ وبلىسىنىڭ تۇرعىندارى اۋىز سۋ تاپشىلىعىنا ۇشىراپ وتىر

وبلىستاعى يساتاي, قۇرمانعازى, جىلوي اۋداندارىنىڭ تۇرعىندارى مەن مۇناي ءوندىرۋ كاسىپورىندارى اۋىز سۋ مەن تەحنولوگيالىق جانە تەح­نيكالىق قاجەتتىلىكتەرىنە قاجەت سۋدى «استرا­حان-ماڭعىشلاق» ماگيسترالدى سۋ قۇبىرىنان الادى. وسى قۇبىر ماڭعىستاۋ وبلىسىنداعى  تۇتىنۋشىلاردى دا اۋىز سۋمەن قامتاماسىز ەتەدى.

ەلدى مەكەندەردەگى تۇرعىندار سانىنىڭ ءوسۋى, ءوندىرىستىڭ ۇلعايۋى جاقىن بولاشاقتا سۋ تاپ­شى­لىعىن ارتتىرا بەرەرى ءسوزسىز. قازىردىڭ وزىندە يساتاي, جىلىوي اۋداندارى جانە قۇلسا­رى قالاسىنىڭ تۇرعىندارى مەن مەكەمە-كاسىپ­ورىندارى سۋ تاپشىلىعىن سەزىنىپ وتىر, ولارعا كەيدە سۋ ساعاتتاپ قانا بەرىلەدى.

وسى ماسەلەنى ەسكەرىپ, قازىرگى كەزدە 30 جىل بۇرىن سا­لىنعان سۋ قۇبىرىن جاڭعىرتۋ جۇمىسىن قول­عا الۋ قاجەت. «قازترانسويل» اكتسيونەرلىك قوعا­مى­نىڭ باعالاۋى بويىنشا جوبانىڭ قۇنى 102 ميلليارد تەڭگەنى قۇرايدى. بۇل سۋ قۇبىرى قازىر ءوزىنىڭ تەح­ني­كالىق مۇمكىندىكتەرىنىڭ شەگىندە جۇمىس ىستەپ وتىر.

سونىمەن قاتار اتىراۋ وبلىسىمەن شەكارالاس اقتوبە وبلىسىنداعى مۇعالجار اۋدانىندا  «كوكجيدە» جەراستى تۇششى سۋ ورنى بار. بۇل ەلىمىزدىڭ باتىس ايماعىنداعى  ءىرى سۋ كەنىشى بولىپ تابىلادى. ۇكىمەتتىڭ 2016 جىلعى 18 قازانداعى تاپسىرماسىنا سايكەس اقتوبە وبلىسىنىڭ اكىمدىگى «كوكجيدە» جەراس­تى كەنىشىندەگى سۋدى پايدالانۋ قورىن قايتا باعالاۋ ءۇشىن جوبالاۋ-سمەتالىق قۇجاتتارى ازىرلەنگەن بولاتىن. جوبانىڭ سمەتالىق قۇنى 1,2 ملرد تەڭگەنى قۇرادى.

ءبىز پرەمەر-مينيستر باقىتجان ساعىنتاەۆتىڭ اتىنا دەپۋتاتتىق ساۋال جولداپ, اتىراۋ جانە اقتوبە وبلىستارىنىڭ تۇرعىندارىن ساپالى اۋىز سۋمەن قامتاماسىز ەتۋ ءۇشىن «كوكجيدە» كەنىشىن پايدالانۋ ماقساتىندا سۋ قورىن قايتا باعالاۋ جونىندەگى زەرتتەۋ جۇمىستارىن جۇرگىزۋ جانە  سۋ كەنىشىنىڭ بالانستىق كونتۋرىن انىقتاۋ ءۇشىن رەسپۋبليكالىق بيۋدجەتتى ناقتىلاۋ كەزىندە وسى قاراجاتتى ءبولۋ مۇمكىندىگىن قاراستىرۋدى وتىندىك.

عۇمار دۇيسەمباەۆ,

سەنات دەپۋتاتى