حالىقارالىق انا ءتىلى كۇنى شەڭبەرىندە ماتيا گۋبيتسا اتىنداعى زاگرەب مەكتەبىندە قازاق ءتىلىنىڭ قازىرگى زامانعى دامۋىنا جانە قازاقستاندا لاتىن ءالىپبيىنىڭ ەنگىزىلۋىنە ارنالعان مادەني ءىس-شارا ءوتتى.
حورۆاتياداعى قازاقستان ەلشىلىگى مەكتەپتىڭ ستۋدەنتتەرى مەن وقىتۋشىلارى ءۇشىن «لاتىن الىپبيىندەگى قازاق ءتىلى» تاقىرىبىندا اشىق ساباق, اباي قۇنانباەۆ پوەمالارى مەن ءشامشى قالداياقوۆ اندەرىنىڭ تۇساۋكەسەرىن ۇيىمداستىرىپ, قازاقستاننىڭ جەتىستىكتەرى تۋرالى بەينەروليك كورسەتتى.
ءىس-شارا بارىسىندا قازاق اۋىز ادەبيەتىنىڭ ەرەكشە داستۇرلەرى – اقىنداردىڭ ونەرى, فولكلورى مەن ەپوسى, سونداي-اق, ادەبي, اقىندىق جانە فيلوسوفيالىق مۇراسى اتاپ ءوتىلدى. بۇل تۇرعىدا قازاقستان باسشىلىعىنىڭ انا ءتىلىن جانە مادەنيەتىن ساقتاۋ, ونى دامىتۋ جونىندەگى قابىلدانعان شارالارىنىڭ ماڭىزدىلىعى باسا ايتىلدى. پرەزيدەنت نۇرسۇلتان نازارباەۆتىڭ باستاماسىمەن ۇسىنىلعان «رۋحاني جاڭعىرۋ» باعدارلاماسىنىڭ جۇزەگە اسىرىلۋى جانە قازاق ءالىپبيىن لاتىن ارپىنە كوشىرۋ قازاقستاننىڭ لينگۆيستيكالىق, مادەني جانە رۋحاني دامۋىن جاڭا بەلەسكە شىعاراتىنى تۋرالى ايتىلدى.
حالىقارالىق انا ءتىلى كۇنى 1999 جىلى يۋنەسكو-نىڭ باستاماسىمەن جاريالاندى جانە جىل سايىن 21 اقپاندا الەمدىك ءتىل جانە مادەني داستۇرلەرىن دامىتۋ ماقساتىندا اتالىپ وتەدى.
«ەگەمەن-اقپارات»