Kaspi Bank, Home Credit Bank, Forte Bank, Eurasian Bank جانە قازاقستان قارجىگەرلەرى قاۋىمداستىعى الاياقتىق ماسەلەسى بويىنشا حالىققا ۇندەۋ جاريالادى, دەپ حابارلايدى ققق ءباسپاسوز قىزمەتى.
ۇندەۋ ماتىنىندە سوڭعى كەزدەرى قازاقستاندىقتاردىڭ قارجىلىق الاياقتىقتىڭ قۇربانىنا اينالۋ فاكتىلەرى جيىلەپ كەتكەنى ايتىلادى. الاياقتىق ارەكەتتەرىنىڭ ستسەناريى بويىنشا, دەلدال فيرمالار بانكتەن نەسيە الۋدى جانە العان قاراجاتتىڭ ءبىر بولىگىن وزدەرىنە بەرۋدى ۇسىنادى. ول ءۇشىن بورىشكەردىڭ ورنىنا نەسيەنى جاۋىپ, بانكپەن تۋىندايتىن بارلىق ماسەلەنى شەشۋگە ۋادە بەرەدى. ال اقشانى العان سوڭ الگى «فيرمالار» تايىپ تۇرادى.
ء«بىز جەكە جانە زاڭدى تۇلعالارعا نەسيە بەرۋ نەمەسە جابۋ ماسەلەسىندە ءۇشىنشى تۇلعالارمەن, ەشقانداي دەلدالدىق كومپانيالارمەن ىنتىماقتاستىق جاسامايمىز. بانكپەن نەسيە قاتىناستارى «بانكتەر جانە بانك قىزمەتى تۋرالى» زاڭىمەن رەتتەلەدى», - دەلىنگەن ۇندەۋدە.
بانك وكىلدەرىنىڭ ايتۋىنشا, اتالعان كومپانيالاردىڭ قىزمەتىندە الاياقتىقتىڭ بارلىق بەلگىلەرى كەزدەسەدى, ولار ازاماتتاردى الداپ-ارباۋعا باعىتتالعان. «وتكەن جىلدىڭ وزىندە قازاقستاندا وسى تاقىلەتتەس فاكتىلەر بويىنشا 11 قىلمىستىق ءىس قوزعالدى. قازىر پوليتسيا سەمەيدە قارجىلىق الاياقتىقتارعا كۇدىكتى ەكى فيرماعا قاتىستى سوتقا دەيىنگى تەرگەپ-تەكسەرۋ جۇرگىزىپ جاتىر», - دەلىنگەن ۇندەۋ ماتىنىندە.