ساراپتامالىق كەڭەستىڭ كەزەكتى وتىرىسى ءوتتى

وتىرىسقا كە­ڭەستىڭ مۇشەلەرى, سونداي-اق بۇۇ بوسقىندار ىستەرى جونىن­دەگى جو­عارى كوميسسارى باسقار­ما­سىنىڭ (بۇۇ بجكب), قازاقستان ادىلەت مينيسترلىگى مەن قازاقستان ءىىم كوشى-قون قىزمەتى كوميتەتىنىڭ وكىلدەرى قاتىستى.

كەزدەسۋ بارىسىندا بۇۇ بجكب حالىقارالىق ساراپشىلارى قۇجاتتاندىرىلماعان تۇل­عالاردىڭ قۇقىقتارىن قورعاۋ تەتىگىن جەتىلدىرۋ مەن ازاماتتىعى جوقتىق­تى ازايتۋ بويىنشا بىرقاتار ۇسىنىستارىن جەتكىزدى.

پروبلەمالاردى تالداۋ قۇجات­تاندىرىلماعان تۇلعالاردىڭ وزدەرىنىڭ نەگىزگى قۇقىقتارىن ىسكە اسىرۋ كەزىندە تاپ بولاتىن بىر­قاتار كەدەرگىلەردىڭ, سونىڭ ىشىندە مەديتسينالىق قىزمەت كورسەتۋ, الەۋمەتتىك قامتاماسىز ەتۋ جانە ت.ب. ماسەلەلەردىڭ كەزدەسەتىنىن كور­سەتتى.

ازاماتتىقتى انىقتاۋ, تۋدى تىركەۋ جانە ازاماتتىعى جوق تۇل­عالاردىڭ بالالارىن قۇجات­تان­دىرۋ ماسەلەلەرى تالقىلاندى.

كەڭەس مۇشەلەرى سونداي-اق ازاماتتىقتى الۋ مەن ايىرىلۋ ماسەلەلەرىن جانە ازاماتتىعى جوق تۇلعالاردىڭ قۇقىقتارىن رەت­تەي­تىن قولدانىستاعى زاڭ­ناما­داعى كەمشىلىكتەر مەن قاراما-قايشىلىقتاردى جويۋ بويىنشا بىرقاتار ۇسىنىستار ءبىلدىردى.

اتاپ ايتقاندا, قازاقستان اۋ­ما­عىندا تۋعان ءاربىر بالانى ازا­ماتتىعى جوقتىقتان قورعاۋدى, سون­­­داي-اق اتا-اناسىنىڭ زاڭدى مار­­­تەبەسىنەن تاۋەلسىز, بالانىڭ تۋ­ىن مىندەتتى تۇردە تىركەۋ جانە تۋ تۋ­رالى كۋالىگىن بەرۋ قۇقىعىن قام­­­تا­ماسىز ەتەتىن زاڭنامالىق نور­­ما­لاردى قاراستىرۋ ۇسىنىلىپ وتىر. كۇن ءتارتىبى شەڭبەرىندە, سون­داي-اق قازاقستان پارلامەنتى ماجىلىسىنە ەنگىزىلگەن ء«دىني قىز­مەت جانە ءدىني بىرلەستىكتەر تۋرالى» زاڭ جوباسى تالقىلاندى. وتىرىستىڭ قورىتىندىسى بويىنشا, ساراپتامالىق كەڭەستىڭ مۇشەلەرى مۇددەلى مەملەكەتتىك ور­گانداردىڭ اتىنا جولداناتىن پراكتيكالىق ۇسىنىمدارىن ازىر­لەدى.