حالىق ءوز بايان سۇلۋىن ىزدەيدى

مۇنىڭ بارلىعى بايان سۇلۋ دەگەن ارداقتى اتتى الىپ جۇرگەن قوستانايلىق كون­­­دي­تەر فابريكاسىنىڭ دا وكىل­دەرىن ويلانتقان كورى­نەدى. ناتيجەسىندە, الماتىدا ءباس­پاسوز ءماسليحاتى ۇيىمداس­تىرىلىپ, حالىقتىق داۋىس بەرۋ ارقىلى ەڭ ۇزدىك بايان سۇلۋ بەينەسىن تاڭداۋ شاراسى باستالعانى ءمالىم بولدى. «BAYAN SULU-2018» حا­لىق­­تىق بەينە – حالىق تاڭ­داۋى» اتتى باس­تامانىڭ قورى­تىن­دىسى 15 ساۋىردە, ياعني ۇلت­تىق عا­شىق­تار كۇنىندە بەلگىلى بولماق.

ۇيىمداستىرۋشىلاردىڭ ايتۋىنشا, بۇل جاعداي – قازاق حالقىنىڭ وسى تۇستا ءوز ويىن بىلدىرگىسى كەلگەندىگىنىڭ ايقىن مىسالى جانە حالىقتىڭ سۇيىكتى كەيىپكەرىن تاڭداۋعا قاتىسۋعا نيەتتى ەكەنىن انىق اڭعارتادى.

– ءبىز ءوزىمىزدىڭ ءتول مەرەكە – «قوزى كورپەش – بايان سۇلۋ» عاشىقتار كۇنى­نىڭ كەڭ ناسيحاتتالۋىن قول­دايمىز. سوندىقتان اشىق داۋىس بەرۋ ورىندى. ءارى بۇل – وتكەن ءداستۇرىمىز بەن ۇلت­تىق نەگىزىمىزدى ۇلىقتاۋ, – دەدى «ايقىن» گازەتىنىڭ باس رەداكتورى نۇرتورە ءجۇسىپ.

قوستانايلىق «بايان سۇلۋ» كونديتەرلىك فابريكاسىنىڭ وكىلى جانە ۇيىمداستىرۋ كومي­­تەتىنىڭ توراعاسى مار­لەن ابىل­عازينوۆ: ء«بىز قوعا­مى­مىزدا شىنايى بايان سۇلۋ بەي­نەسىن دارىپتەيتىن تۇسىنىكتى تو­لىق قا­لىپتاستىرۋعا ۇلەس قوس­ساق دەيمىز», دەيدى.

سونىمەن سايىسقا قاتى­سۋ ءۇشىن 18 جانە 35 جاس ارا­لىعىنداعى قىز-كەلىن­شەكتەر www.halykbayansulu.kz ساي­تىن­داعى انكەتانى تول­تى­رىپ, ءوز فوتوسى جانە بەينە-اق­پا­راتتى جۇكتەۋى كەرەك ەكەن. بەي­نەتاسپاداعى بيكەش بايان سۇلۋ كەلبەتىن جانە وسى بەينەنى سوم­داۋعا نەگە ءوزى لايىقتى ەكەن­دىگىن بايانداۋى ءتيىس. سايىس بيىل 15 اقپان مەن 31 ناۋرىز ارا­لىعىندا وتەدى. وسى كەزەڭدە ينتەرنەت قولدانۋشىلار ءوز داۋىستارىن بەرە الادى.

حالىقتىڭ داۋىس بەرۋ ناتي­جەسىنىڭ نەگىزىندە اقتىق سىنعا 5 ارۋ وتكىزىلمەك. ادىلقازىلار القاسىنىڭ شەشىمىمەن بەس قاتىسۋشىنىڭ اراسىنان ءبىر جەڭىمپاز انىقتالىپ, باس جۇل­دەگە تىگىلگەن كولىكتىڭ كىلتىنە يە بولماق.

سايىستاعى ادىلقازىلار القا­سى قۇرامىن قوعام قايرات­كەرلەرى, مادەنيەت جانە باق وكىلدەرى, سونداي-اق تانىمال بلوگەرلەر مەن مەديا-تۇلعالار قۇرايدى.

ايناش ەسالي, «ەگەمەن قازاقستان»

الماتى