جالپى, ەلىمىزدىڭ لاتىن گرافيكاسىنا كوشۋى ءتىلدى جاڭعىرتۋ بويىنشا ماڭىزدى قادام دەپ ەسەپتەيمىز. قادام قازاق ءتىلىنىڭ الەمدىك ءبىلىم, عىلىم جانە اقپاراتتىق كەڭىستىككە بەيىمدەلۋىنە جول اشادى. سوندىقتان ەلباسىنىڭ بۇل شەشىمى ستراتەگيالىق تۇرعىدان ەلىمىزدىڭ بولاشاعى ءۇشىن ماڭىزدى.
بارشامىزعا ءمالىم, وسى ۋاقىتقا دەيىن جاڭا الىپبيىمىزگە قاتىستى سان ءتۇرلى قوعامدىق پىكىر قالىپتاستى. ۇسىنىستار اراسىندا بولعان ديگراف ماسەلەسى تالقىعا ءتۇستى. بۇدان كەيىن بەكىتىلگەن لاتىن ءالىپبيى بويىنشا اپوستروف ماسەلەسى دە وڭ جانە تەرىس پىكىرلەر تۋىنداتتى. ناتيجەسىندە, ەلباسىنىڭ شەشىمىنە سايكەس جاڭا الىپبيىمىزدە اپوستروفتار الىنىپ, ءارىپ ۇستىنە قويىلاتىن تاڭبادان تۇراتىن اكۋت پەن ەكى ديگراف ەندى.
بۇل وزگەرىستەردە بارلىق مامانداردىڭ ۇسىنىستارى ەسكەرىلدى دەپ ويلايمىز. اسىرەسە اقپاراتتىق تەحنولوگيالار سالاسى ماماندارىنىڭ پىكىرلەرىنە سايكەس وزگەرىستى ەرەكشە اتاۋىمىزعا بولادى. ەستەرىڭىزدە بولسا, سالا ماماندارى اپوستروفتار ءماتىن تەرۋدە جانە ىزدەۋ تەحنولوگياسىن پايدالانۋدا قيىندىقتار تۋىنداتاتىندىعىن ايتقان ەدى.
لاتىن گرافيكاسىنداعى ءالىپبيدىڭ جاڭا نۇسقاسىمەن تانىسقاننان كەيىن دە قوعامدا ءارتۇرلى پىكىرلەر قالىپتاسىپ جاتقاندىعى بايقالادى. مەنىڭشە بۇل نۇسقاسى بۇرىنعىعا قاراعاندا قولايلى سەكىلدى. دەگەنمەن فيلولوگيا عىلىمدارى سالاسىنىڭ وكىلى بولماعاندىقتان, بىرجاقتى ايتۋ دا قيىنعا سوعاتىنى انىق. ارينە لاتىن قارپىمەن كومپيۋتەردە تەرۋ ازىرگە كوپ ۋاقىت الادى. IT سالاسىنىڭ ماماندارى دا پەرنەتاقتالاردى جاڭا ۇلگىگە سايكەس بەيىمدەۋلەرى قاجەت. مۇنىڭ بارلىعى كوز بەن قولدىڭ ۇيرەنىسپەگەندىگىنەن دەپ ويلايمىن. ۋاقىت وتە كەلە وعان دا قالىپتاسىپ كەتەتىنىمىز انىق.
مۇرات ناسيموۆ, «بولاشاق» عىلىمي-زەرتتەۋ ينستيتۋتىنىڭ ديرەكتورى
قىزىلوردا