اگرارلىق سالانى قولداۋدىڭ جاڭا تاسىلدەرى قاجەت

پارلامەنت سەناتى تور­اعا­سىنىڭ ورىنباسارى سەرگەي گرو­موۆ ءوزىنىڭ كىرىسپە سوزىندە پرە­زيدەنت ن.نازارباەۆ ء«تورتىنشى ونەر­كاسىپتىك رەۆوليۋتسيا جاع­دايىنداعى دامۋدىڭ جاڭا مۇم­كىندىكتەرى» اتتى جولداۋىندا اگروونەركاسىپ كەشەنىن دامىتۋعا باسا نازار اۋدارعانىن ەسكە سالدى. مەملەكەت باسشىسى ەڭبەك ونىم­دىلىگىن ارتتىرۋ جانە وڭدەل­گەن اۋىل شارۋاشىلىعى ونىم­دەرىن ەكسپورتتاۋدى ۇلعايتۋ مىن­دەتتەرىن العا قويعان بولاتىن.

س.گروموۆ, سونىمەن بىرگە ەلى­مىزدە اۋىل شارۋاشىلىعى سالا­سىندا ەڭبەك ونىمدىلىگى وتە تومەن ەكەنىن, ونىڭ باستى سەبەپ­تەرىنىڭ ءبىرى تەحنيكالىق جاب­دىق­تاردىڭ جەتكىلىكسىزدىگى بولىپ وتىرعانىن ايتتى. سونداي-اق اۋىل شارۋاشىلىعى سالاسىنداعى تراكتورلار مەن كومبايندار سانى بويىنشا باسقا ەلدەردەن ارتتا قالىپ كەلە جاتقانىمىز, وعان قوسا ولاردى ءتيىستى مەرزىمىنەن اسىرا پايدالانۋ ءجيى كەزدەسەتىنى اتاپ ءوتىلدى.

سەنات توراعاسىنىڭ ورىنبا­سارى اۋىل شارۋاشىلىعى ونىم­دەرىن وڭدەۋ دەڭگەيىنىڭ تومەن­دى­گىن, ونىڭ شامامەن 80 پايىزى شيكىزات تۇرىندە ساتىلاتى­نىنا نازار اۋداردى. اۋىل شارۋاشىلىعى مينيسترلىگىنىڭ مالىمەتىنشە, بار­لىق وڭدەۋشى زاۋىتتاردىڭ ءوندىرىس قۋاتى 20-60 پايىزعا عانا پايدا­لانىلىپ وتىر. ەت, ءسۇت, جەمىس پەن كوكونىستەردىڭ 30 پايىزدان از بولىگى وڭدەلەدى. س.گروموۆ شيكى­زاتتى وڭدەۋدى قامتاماسىز ەتۋگە جانە ساپاسى جوعارى, ەكولو­گيالىق تازا «قازاقستاندا جاسال­عان» برەندىمەن تانىلاتىن دايىن ونىممەن الەمدىك نارىققا شىعۋعا ەرەكشە نازار اۋدارۋ قاجەت ەكەنىن ايتتى.

بۇعان قوسا تاۋار وندىرۋشىلەر الەۋەتى مول نارىقتارعا بىرنەشە سەبەپتەر بويىنشا شىعا الماي وتىرعانى دا ايتىلدى. «بولشەك با­عانىڭ 70-75 پايىزىن يەم­دە­نەتىن دەلدالدارعا قارسى جۇ­مىستاردى كۇشەيتۋ كەرەك, ول دامىعان ەلدەردە تەك 15-20 پايىزدى قۇرايدى. وندىرىلەتىن ءونىمنىڭ قوسىمشا قۇنىن ارتتىرۋ ءۇشىن وندىرىستەن تۇتىنۋشىعا دەيىنگى بۇكىل تىزبەكتى قايتا قاراۋ قاجەت. قازىرگى شەشىمدەر لوگيستيكانىڭ بارلىق بايلانىستارىنىڭ ءوزارا ءىس-قيمىلىن ۇيىمداستىرۋعا مۇمكىندىك بەرەدى», دەپ اتاپ ءوتتى. س.گروموۆ.

سەناتتىڭ اگرارلىق ما­سە­لە­لەر, تابيعاتتى پايدالانۋ جانە اۋىلدىق اۋماقتاردى دامىتۋ كوميتەتىنىڭ توراعاسى جەڭىس نۇر­عاليەۆ ءوز سوزىندە ەلىمىزدىڭ اگرو­ونەركاسىپ كەشەنىنە شۇعىل تۇر­دە ەگجەي-تەگجەيلى تالداۋ جۇ­مىستارىن جۇرگىزۋ جانە ونى دامىتۋ ءۇشىن قارجى ءبولۋ ەرەجەسىن قايتا قاراۋ قاجەتتىگى تۋرالى ايتتى.

ج.نۇرعاليەۆتىڭ ايتۋىنشا, سۋبسيديالاۋ, جەڭىلدەتىلگەن نەسيە تۇرىندەگى, سالىق سالۋداعى جانە قىزمەت كورسەتۋدەگى مەملەكەتتىك قولداۋ كولەمى تەك 2017 جىلى جالپى العاندا 260 ميل­ليارد تەڭگەنى قۇرادى. بۇل رەتتە اگرو­ونەر­كاسىپ كەشەنى ىشكى جالپى ءونىمنىڭ 4,7 پايىزىن عانا قامتا­ماسىز ەتىپ وتىر, ال 90-جىل­داردىڭ باسىندا سالانىڭ ىشكى جالپى ونىمدەگى ۇلەسى شيرەك بولىكتەن استام بولاتىن.

سالاداعى ەڭبەك ونىمدىلىگى ء(بىر قىزمەتكەرگە 1,5 ميلليون تەڭگە شاماسىندا), مال ونىمدىلىگىنىڭ دەڭگەيى, نەگىزگى مادەني داقىل­داردىڭ شىعىمى, قازىرگى زا­مان­عى اگروتەحنولوگيا شارالارىن پايدالانۋ كورسەتكىشتەرى وتە تومەن. «وسىلايشا, اۋىل شا­رۋاشىلىعىنداعى وزەكتى ماسە­لەلەردى شەشۋگە مەملەكەت بولگەن قوماقتى قارجىنى پايدالانۋ, ءىسى ۇلكەن كۇمان تۋعىزىپ وتىر», دەدى سەناتور.

اۋىل شارۋاشىلىعى ءمينيسترىنىڭ ءبىرىنشى ورىنباسارى ارمان ەۆنيەۆ اگروونەركاسىپتى كە­شەندى دامىتۋدىڭ 2017-2021 جىل­دارداعى باسىم باعىتتارىن تانىستىردى.

سونداي-اق دوڭگەلەك ۇستەل وتى­رىسىندا س.سەيفۋللين اتىن­داعى قازاق اگروتەحنيكالىق ۋني­ۆەرسيتەتىنىڭ رەكتورى اقىلبەك كۇرىشباەۆ, «اتامەكەن» ۇلت­تىق كاسىپكەرلەر پالاتاسى اگرو­ونەركاسىپ كەشەنىنىڭ توراعاسى يۆان ساۋەر, قازاقستان استىق وڭدەۋشىلەر وداعىنىڭ پرەزيدەنتى ەۆگەني گان, قازاقستان فەرمەرلەر وداعىنىڭ باسشىسى اۋەزحان دارينوۆ, رەسپۋبليكالىق قوي شارۋاشىلىعى پالاتاسىنىڭ توراعاسى تىنىشباي دوسىم­بەكوۆ ءسوز سويلەدى. اۋىل شارۋا­شىلىعى كووپەراتسياسىنا شا­عىن جانە ورتا بيزنەستى تارتۋ, وتان­دىق ونىمدەردى ەكسپورتتاۋدى ۇلعايتۋ, اۋىل شارۋاشىلىعى ونىم­دەرىن وڭدەۋ, ەكس­پورت ساياساتى, مەملەكەتتىك قول­داۋدىڭ قار­­جى جانە باسقا دا شارالارىن ءتيىمدى پايدالانۋ, ءونىم ون­دىرۋ­شى­لەردى تەحنيكا­مەن جانە حي­ميا­لىق قورعاۋ قۇرالدارىمەن قامتا­ماسىز ەتۋدى ارتتىرۋ تۋرالى ما­سەلەلەر بويىنشا قويىلعان ساۋالدارعا جاۋاپ بەرىلدى.

دوڭگەلەك ۇستەل بارىسىندا ايتىلعان ۇسىنىستار ەلىمىزدىڭ اگروونەركاسىپتىك كەشەنىن ودان ءارى دامىتۋ جونىندەگى ۇسىنىمدارعا ەنگىزىلدى.