جىلداعىداي الماتى قالاسىنىڭ اكىمى باۋىرجان بايبەك تە قالىڭ ەلگە ەسەبىن بەردى. جيىنعا ەلوردادان قر اقپارات جانە كوممۋنيكاتسيالار ءمينيسترى داۋرەن اباەۆ, قر پارلامەنتى سەناتىنىڭ دەپۋتاتى دينار نۇكەتاەۆا كەلىپ, ەتنومادەني بىرلەستىكتەردىڭ, «اتامەكەن» پالاتاسىنىڭ, ۇەۇ, باق وكىلدەرى قاتىسىپ وتىردى.
باۋىرجان بايبەكتىڭ ايتۋىنشا, بيىل جاڭا اۆتوبۋس العان تاسىمالداۋشىلارعا 15 ملرد تەڭگە كولەمىندە دەمەۋ قارجى بولمەك. بۇل قارجىعا 255 مىڭ ادامنىڭ جەڭىلدىكپەن ءجۇرۋى قامتاماسىز ەتىلەدى.
«قازىر الماتىدا اۆتوبۋس پاركى 30 پايىزعا جاڭارعان. بىراق كەيبىر تاسىمالداۋشىلار 80 تەڭگەنى از كورىپ, 150 تەڭگەگە كوتەرۋ كەرەك دەپ جاتىر. ولار جولاقىسىن كوتەرمەكشى, بىراق تاسىمالداۋ ساپاسىن ارتتىرۋعا نيەتتى ەمەس. ونداي تاسىمالداۋشىلارمەن جەكە جۇمىس جاسايمىز. ساپانى كوتەرمەيىنشە, جولاقىسى قىمباتتامايدى», – دەدى باۋىرجان بايبەك.
قالا اكىمى «شىعىنعا باتىپ جاتىرمىز» دەگەن تاسىمالداۋشىلار كەرىسىنشە اقشانى كۇرەپ تاۋىپ كەلدى دەي كەلە: «سوندا سىزدەردىڭ قىزمەتكەرلەرىڭىز 5 جىل بويى شىعىنعا جۇمىس جاساپ كەلگەن بە؟ اقىلعا سىيمايدى. نارىقتىڭ كولەمى 20 ملرد تەڭگە ەكەنىن بىلدىك. ەندى كەز كەلگەن تاسىمالداۋشى نەسيە الا الادى. جول ءجۇرۋ اقىسى قازىر الماتىدا مەترو ءۇشىن 71,3 تەڭگە, ال اۆتوبۋستاردا 80 تەڭگە. قالعان ايىرمانى 4 ملرد تەڭگە كولەمىندە دەمەۋقارجى جابادى», – دەدى.
ايناش ەسالي,
«ەگەمەن قازاقستان»