بيىل اقتوبەدە بيۋدجەتتەن تىس قاراجاتتىڭ ەسەبىنەن مۇمكىندىگى شەكتەۋلى بالالار مەن ءاۋتيزمى بار بالالارعا ارنالعان ورتالىقتاردى اشۋ جوسپارلانىپ وتىر. بۇل تۋرالى وبلىس اكىمى بەردىبەك ساپارباەۆ حالىقپەن ەسەپتى كەزدەسۋ بارىسىندا ايتتى.
«بيزنەستىڭ الەۋمەتتىك جاۋاپكەرشىلىگى اياسىندا «اقتوبە مىس كومپانياسىمەن» بىرلەسىپ مۇگەدەكتىگى بار بالالارعا ارنالعان وڭالتۋ ورتالىعى قۇرىلادى. وندا اتا-انالار مەن بالالارعا مامانداردان بىلىكتى كومەك كورسەتىلەدى», - دەدى ب.ساپارباەۆ.
سونداي-اق اقتوبەدە ءاۋتيزمى بار بالالارعا ارنالعان ورتالىق قۇرۋ جۇمىستارى جۇرگىزىلۋدە. جوبا «اسىل ميراس» قايىرىمدىلىق قورىنىڭ قولداۋىمەن «اۋتيزم. الەم ءبارى ءۇشىن بىردەي» باعدارلاماسى اياسىندا جۇزەگە اسىرىلادى. قۇرىلىستى ىسكە قوسۋ 2018 جىلدىڭ ءبىرىنشى جارتىسىنا جوسپارلانعان. اۋتيزمگە ۇشىراعان جانە ولاردىڭ وتباسىلارىنا ارنالعان مەكەمەدە تولىققاندى بىلىكتى مامانداردان كومەك كورسەتىلەتىن جاعدايلار جاسالادى. بۇل جەردە اتا-انالار ءاۋتيزمدى دياگنوستيكالاۋ جانە ەمدەۋگە, بالالاردى جالپى ءبىلىم بەرەتىن مەكتەپتە وقۋعا دايىنداۋعا كومەك الادى. سونىمەن قاتار, ورتالىق اۋتيست بالالارمەن جۇمىس جاسايتىن مامانداردى دايىندايدى.
بۇدان باسقا, بيىلعى جىلى قازاقستاندا «انالارعا تاعزىم» رۋحاني-ادامگەرشىلىك تاربيە ورتالىعىنىڭ قۇرىلىسى اياقتالادى. جوبا ەلباسىنىڭ «رۋحاني جاڭعىرۋ» باعدارلاماسى اياسىندا جۇزەگە اسىرىلۋدا.
ايتىپ كەتەيىك, 2017 جىلى اقتوبەدە «مەيىرىم» جاستاردى الەۋمەتتىك بەيىمدەۋ ورتالىعى اشىلدى. وندا 90-نان استام بالالار ءۇيىنىڭ تۇلەكتەرى تۇرادى جانە جۇمىس ىستەيدى. ء«سابي» جەكەمەنشىك قوعامدىق قورى «مەيىرىم» جاستاردى الەۋمەتتىك بەيىمدەۋ ورتالىعىنىڭ قۇرىلىسىنا 1,4 ملرد تەڭگە اۋداردى.