كەشە ەلباسى لاتىن ءالىپبيىنىڭ وزگەرتىلگەن نۇسقاسىن بەكىتتى. جاڭا نۇسقا قولدانىستا اسا وڭتايلى بولماق.
ءتىل عىلىمى ماماندارىنىڭ ۇندەۋىنە ساي تاڭبالاردىڭ ۇلعايۋىنا اپاراتىن اپوستروفتار ىڭعايلى تۇرىنە اۋىستىرىلدى, ديگرافتار قوسىلدى.
جالپى, لاتىن الىپبيىنە كوشۋ – زامانىمىزدىڭ زاڭدىلىعى. وركەنيەت كوشىنە ىلەسۋ, الدىڭعى قاتارلى دامىعان 30 ەلدىڭ قاتارىنان تابىلۋ, ەكونوميكامىزدىڭ يننوۆاتسيالىق وركەندەۋى, عىلىم-ءبىلىم سالاسىنىڭ پروگرەسسيۆتى دامۋى, وسكەلەڭ ۇرپاعىمىزدىڭ جارقىن بولاشاعى ءۇشىن بۇگىنگى تاڭدا لاتىن گرافيكاسىن ەنگىزۋ قوعامىمىز ءۇشىن ومىرلىك ماڭىزدى, ۇلكەن ىستەردىڭ قاتارىندا.
«ەلۋ جىلدا – ەل جاڭا» دەگەندەي, ءالىپبيىمىزدىڭ جاڭا وزگەرىسى قازىرگى ۇشقىر ۋاقىت تالابىنا ساي بولۋ ءۇشىن قاجەت. سەبەبى بۇگىندە الەم حالىقتارىنىڭ ينتەگراتسياسى, جاپپاي كوشى-قون ماسەلەلەرى اسا بەلەڭ الۋدا. كوبىنەسە, قازىرگى زاماندا عالامتوردىڭ دامۋىنا ساي الەمنىڭ تۇكپىر-تۇكپىرىندە تۇرىپ-اق ادامدار ءبىر-بىرىمەن جەدەل بايلانىسىن قولداپ وتىرادى. دەمەك, ارا قاشىقتىقتىڭ قازىر كەدەرگىسى جوق, بۇگىنگى كۇن – رۋحاني بايلانىستىڭ زامانى. ءوزىم ءومىر بويى قىزمەت ەتكەن مەديتسينا سالاسىنىڭ ماماندارى تۋرالى ايتساق, لاتىن ءالىپبيى ءبىز ءۇشىن بۇرىننان ەتەنە تانىس, كۇندەلىكتى ناۋقاستارعا رەتسەپتىلەردى دارىگەرلەر لاتىن قارپىمەن جازادى.
سوندىقتان دەنساۋلىق ساقشىلارى لاتىن گرافيكاسىنا كوشۋدى ءبىراۋىزدان قولدايدى. بۇگىنگى تاڭدا تاۋەلسىز مەملەكەت رەتىندە لاتىن گرافيكاسى نەگىزىندەگى جاڭا قازاق ءالىپبيىن قابىلداۋدى ەلىمىزدىڭ ەگەمەندىگىن, رۋحاني ەركىندىگىمىزدى ايقىندايتىن, ەكونوميكالىق ءورىسىمىزدى كەڭەيتەتىن, الەمدىك عىلىم-ءبىلىمنىڭ جەتىستىكتەرىنە وڭتايلى جول اشاتىن, بولاشاعىمىز ءۇشىن اسا ماڭىزدى, زاماناۋي ءىس-شارا رەتىندە تانيمىن.