قازاقستان رەسپۋبليكاسى پرەزيدەنتىنىڭ جارلىعى

قازاقستان رەسپۋبليكاسىنىڭ 2025 جىلعا دەيىنگى ستراتەگيالىق دامۋ جوسپارىن بەكىتۋ جانە قازاقستان رەسپۋبليكاسى پرەزيدەنتىنىڭ كەيبىر جارلىقتارىنىڭ كۇشى جويىلدى دەپ تانۋ تۋرالى

قاۋلى ەتەمىن:

1. قازاقستان رەسپۋبليكاسىنىڭ 2025 جىلعا دەيىنگى ستراتەگيالىق دامۋ جوسپارى بەكىتىلسىن.

2. قازاقستان رەسپۋبليكاسىنىڭ ۇكىمەتى, ورتالىق جانە جەرگىلىكتى اتقارۋشى ورگاندار, سونداي-اق قازاقستان رەسپۋبليكاسىنىڭ پرەزيدەنتىنە تىكەلەي باعىناتىن جانە ەسەپ بەرەتىن مەملەكەتتىك ورگاندار ءوز قىزمەتىندە قازاقستان رەسپۋبليكاسىنىڭ 2025 جىلعا دەيىنگى ستراتەگيالىق دامۋ جوسپارىن باسشىلىققا السىن جانە ونى ىسكە اسىرۋ بويىنشا قاجەتتى شارالار قابىلداسىن.

3. وسى جارلىققا قوسىمشاعا سايكەس قازاقستان رەسپۋبليكاسى پرەزيدەنتىنىڭ كەيبىر جارلىقتارىنىڭ كۇشى جويىلدى دەپ تانىلسىن.

4. وسى جارلىقتىڭ ورىندالۋىن باقىلاۋ قازاقستان رەسپۋبليكاسى پرەزيدەنتىنىڭ اكىمشىلىگىنە جۇكتەلسىن.

5. وسى جارلىق قول قويىلعان كۇنىنەن باستاپ قولدانىسقا ەنگىزىلەدى.

قازاقستان رەسپۋبليكاسىنىڭ پرەزيدەنتى

ن.نازارباەۆ

استانا, اقوردا, 2018 جىلعى 15 اقپان  № 636

«قازاقستان رەسپۋبليكاسىنىڭ 2025 جىلعا دەيىنگى ستراتەگيالىق دامۋ جوسپارىن بەكىتۋ جانە قازاقستان رەسپۋبليكاسى پرەزيدەنتىنىڭ كەيبىر جارلىقتارىنىڭ كۇشى جويىلدى دەپ تانۋ تۋرالى» قازاقستان رەسپۋبليكاسى پرەزيدەنتىنىڭ 2018 جىلعى 15 اقپانداعى № 636 جارلىعىنا

تۇسىندىرمە

قازاقستان رەسپۋبليكاسى پرە­زي­دەنتىنىڭ 2018 جىلعى 15 اقپانداعى № 636 جارلىعىمەن «قازاقستان رەس­پۋب­ليكاسىنىڭ 2025 جىلعا دەيىنگى سترا­تەگيالىق دامۋ جوسپارىن بەكىتۋ جانە قازاقستان رەسپۋبليكاسى پرەزيدەنتىنىڭ كەيبىر جارلىقتارىنىڭ كۇشى جويىلدى دەپ تانۋ تۋرالى» قازاقستان رەس­پۋب­ليكاسىنىڭ 2025 جىلعا دەيىنگى سترا­تەگيالىق دامۋ جوسپارى (بۇدان ءارى – ستراتەگيالىق جوسپار-2025) بەكىتىلدى.

ستراتەگيالىق جوسپار-2025 مەم­لە­كەتتىك جوسپارلاۋ جۇيەسىنىڭ نەگىزگى قۇ­جاتى رەتىندە ايقىندالىپ, الەمنىڭ ەڭ دامىعان 30 ەلى قاتارىنا كىرۋ جو­لىن­داعى «قازاقستان-2050» ۇزاق مەرزىمدى سترا­تەگيا­سىن ىسكە اسىرۋداعى مەملەكەت دا­مۋىنىڭ ورتا مەرزىمدى جوسپارى بولىپ تابىلادى. ول قازاقستاننىڭ 2020 جىل­عا دەيىنگى ستراتەگيالىق دامۋ جوس­پارىنىڭ ورنىن باسادى, ال ونىڭ جوسپارلى ىسكە اسىرىلۋى ۇلتتىق ەكونوميكانىڭ ناقتى كولەمىنىڭ ۇشتەن بىرىندەي ءوسۋىن قام­تاماسىز ەتتى, سونداي-اق جاھاندىق قار­جى­لىق داعدارىستىڭ سالدارىن باسەڭ­دەتتى.

قۇجاتتىڭ باستى ماقساتى – 2025 جىلعا دەيىن ەىدۇ ەلدەرىمەن سالىستىرعاندا حالىقتىڭ ءومىر ءسۇرۋ دەڭگەيىن ارتتىرۋعا باعىتتالعان ەكونوميكانىڭ ساپالى جانە ورنىقتى دامۋىنا قول جەتكىزۋ.

ستراتەگيالىق جوسپار-2025-ءتىڭ نەگىزىنە ەكونوميكالىق ءوسۋدىڭ جاڭا مو­دەلى سالىنعان, ول باسەكەلەستىكتىڭ ارتۋى, جەكە سەكتوردىڭ كوشباسشىلىق ءرولى مەن ەلى­مىزدىڭ وڭىرلەرى دامۋىنىڭ الەۋەتىن ىسكە اسىرۋ جاعدايىندا ادامي كاپيتالدى دامىتۋ مەن جەكە قاراجاتتى تارتۋ, كۇر­دەلىلىك پەن ونىمدىلىكتى ارتتىرۋ ەسەبى­نەن ەكسپورتقا باعىتتالعان ءوندىرۋدى ىن­تا­لاندىرۋعا نەگىزدەلگەن.

بۇل ءۇشىن قۇجاتتا ەلدىڭ ەكونوميكاسى مەن الەۋمەتتىك ومىرىندە بولاتىن جۇيەلى رەفورمالاردى جۇرگىزۋ, سونداي-اق ينستيتۋتسيونالدىق جاڭعىرتۋعا باي­لانىس­تى شارالار قابىلداۋ كوزدەلگەن.

ستراتەگيالىق جوسپار-2025-ءتىڭ نەگىزى – ستراتەگيا-2050-ءدىڭ نەگىزگى ەرەجەلەرىن ىسكە اسىرۋدى قامتاماسىز ەتەتىن 7 جۇيەلى رەفورما مەن 7 باسىم ساياساتتىڭ ۇيلەسىمى. 7ح7 جوسپاردىڭ فورمۋلاسى قازاقستاننىڭ جاھاندىق باسەكەگە قابىلەتتىلىككە قول جەتكىزۋى ءۇشىن دامۋ مەن تۇراقتىلىقتىن تەڭگەرىمىن قامتاماسىز ەتەدى.

جەتى جۇيەلى رەفورما ەل ءومىرىنىڭ بارلىق نەگىزگى اسپەكتىلەرىن قامتيدى: «جاڭا ادامي كاپيتال», «تەحنولوگيالىق جاڭارتۋ مەن تسيفرلاندىرۋ», «باسە­كەلەس­تىك جانە باسەكەگە قابىلەتتى بيزنەس», «سى­باي­لاس جەمقورلىقسىز قۇقىقتىق مەملە­كەت», «مىقتى وڭىرلەر مەن ۋرباندالۋ», «قوعامدىق سانانى جاڭعىرتۋ», «مەم­لەكەتتىك سەكتور وزگەرىستەر كوشباسشىسى رەتىندە».

ستراتەگيالىق جوسپار-2025-ءتى ىسكە اسىرۋ مەملەكەتتىك باعدارلامالار, مەم­لەكەتتىك ورگانداردىڭ ستراتەگيالىق جوس­پارلارى, وڭىرلەردى دامىتۋ باعدار­لامالارى, ۇلتتىق حولدينگتەر مەن كوم­پا­نيالاردىڭ ستراتەگيالارى ارقىلى, سون­داي-اق قولدانىلاتىن جوبالىق باسقارۋ اياسىندا ىسكە اسىرىلاتىن بولادى.

جوسپاردا 2021 جانە 2025 جىلدارى قول جەتكىزىلۋگە ءتيىس ماقساتتى ناتي­جەلەردى كورسەتەتىن وزەكتى ۇلتتىق يندي­كا­تورلاردىڭ نەگىزى قالانعان.

قازاقستان رەسپۋبليكاسى پرەزيدەنتى اكىمشىلىگىنىڭ ستراتەگيالىق ازىرلەمەلەر جانە تالداۋ ورتالىعى

ستراتەگيالىق جوسپار-2025-ءتىڭ تولىق ءماتىنى قازاقستان رەسپۋبليكاسى پرەزيدەنتىنىڭ www.اkorda.kz رەسمي سايتىندا «نورماتيۆتىك قۇقىقتىق اكتىلەر» بولىمىندە ورنالاستىرىلعان.