وسى جىلدىڭ قاڭتار ايىندا ءماجىلىس دەپۋتاتتارىنىڭ وڭىرلەرگە ءىسساپارى اياسىندا الماتى وبلىسىنىڭ تۇرعىندارىمەن بىرقاتار كەزدەسۋلەر وتكىزگەنىن ايتا كەلە, تومەندەگى ماسەلەنى كوتەرەدى: «كەزدەسۋ بارىسىندا كوتەرىلگەن ماسەلەلەردىڭ ءبىرى ۇيعىر اۋدانىنداعى جەراستى سۋلارىنىڭ كوتەرىلۋى بولدى.
اتاپ ايتقاندا, شارىن اۋىلى جانىنان سالىنىپ جاتقان اۆتوبان قۇرىلىسى جانە قۇرعاتقىش كانالدار مەن ارىق جۇيەلەرىنىڭ لاستانۋى, تازالانباۋى جەراستى سۋلارى دەڭگەيىنىڭ كوتەرىلۋى سالدارىنان اۋىلشارۋاشىلىق ەگىستىك جەرلەردىڭ جارامسىز بولىپ قالۋ قاۋپى ايتىلدى. سونىمەن قاتار بۇل جاعداي اۋىلدارعا دا قاتەر توندىرە باستاۋدا. اتاپ ايتساق, شارىن اۋىلىندا وتكەن جىلى ءۇش ءۇي جەردىڭ سازدانۋى سالدارىنان قۇلاپ قالعان. اۋىلداعى باسقا ۇيلەرگە دە اسەرى تيۋدە. ەگەر تەز ارادا قۇرعاتقىش كانالدى كۇردەلى جوندەۋدەن وتكىزبەسە بۇل اۋىر جاعدايعا اكەپ سوقتىراتىنى انىق.
وسى سالاداعى ماماندار ماڭايداعى جەراستى سۋلارىنىڭ كوتەرىلۋى كەلەشەكتە توپىراقتىڭ تۇزدانىپ, ەگىستىككە زيان كەلتىرۋىنە اسەر ەتۋى مۇمكىن دەيدى.
اۋدانداعى جەراستى جىلى سۋلارىن باقىلاۋسىز پايدالانۋ ارتەزيان ۇڭعىمالارىنداعى قىسىمنىڭ تومەندەۋىنە اكەپ سوقتىرۋدا. وتكەن جىلعى قىرعىزساي مەن سۇمبە اۋىلدارىنداعى سەل, تاۋ وزەندەرىندەگى سۋ كولەمىنىڭ ازايۋى وسىنىڭ ايعاعى. سوندىقتان دەمالىس ايماعىندا جاڭا ارتەزيان ۇڭعىمالارىن بۇرعىلاۋدى ۋاقىتشا توقتاتۋ قاجەت. جۇمىس ىستەپ تۇرعان ۇڭعىمالاردىڭ گيدروگەولوگيالىق كارتاسىن جاساپ, ەكسپلۋاتاتسيالىق شىعىنداردى ەسەپتەپ, ءاربىر شارۋاشىلىققا جىلى سۋلاردى قولايلى پايدالانۋدىڭ ۇسىنىمىن بەكىتۋ كەرەك.
وسىعان وراي, اتالعان ماسەلەنى تەزدەتىپ قولعا الۋدى, ياعني كەشەندى تۇردە گيدروگەولوگيالىق عىلىمي زەرتتەۋ جۇرگىزىپ, ماسەلەنىڭ ءمان-جايىن انىقتاۋدى سۇراپ, مەن ۇكىمەت باسشىسى باقىتجان ساعىنتاەۆتىڭ اتىنا دەپۋتاتتىق ساۋال جولدادىم. الدىمىزدا كوكتەم جاقىن قالعاندىقتان, اۋىل تۇرعىندارىنىڭ وسى ماسەلەسىن ەرتەرەك شەشكەن ءجون بولار ەدى.
مەنىڭ دەپۋتاتتىق ساۋالىمدى قولداپ, بىرنەشە ارىپتەستەرىم دە قول قويدى, – دەيدى دەپۋتات.
شايماردان نۋرۋموۆ,
ءماجىلىس دەپۋتاتى