گەورگي كيم كورەيا ۇلتتىق اسسامبلەياسىنىڭ توراعاسىمەن كەزدەستى

تاراپتار ساياسات, ساۋدا-ەكونوميكا, كولىك جانە ين­دۋس­تريالىق-يننوۆاتسيا سا­­­لا­لارىنداعى ءوز­ارا ىنتى­ماق­­تاستىق ماسە­لە­­لە­رىن تال­قىلادى. «ەكى­جاق­­تى قا­تى­ناس­تار سالاسىندا وسى جىل ما­ڭىزدى وقيعالار مەن شا­­رالارعا تولى بولىپ وتىر. كورەيا رەسپۋبليكاسى پرە­­زي­دەن­تى مۋن چجە ءيننىڭ بي­­ىلعى ما­مىر سوڭىنداعى قازاق­ستان­عا ساپارى نەگىزگى وقيعا بولۋى ءتيىس», – دەدى سەناتور.

گ.كيم پرەزيدەنت ن.نازارباەۆتىڭ 2016 جىلعى 9-11 قاراشاداعى سەۋلگە مەم­لە­كەتتىك ساپارى بارىسىندا قول قويىلعان ستراتەگيالىق ارىپ­­تەستىك قاتىناستاردى ودان ءارى تەرەڭدەتۋ تۋرالى بىرلەسكەن دەك­لا­راتسيانىڭ زور ماڭىزىن اتاپ ءوت­ت­ى. جۇزدەسۋشىلەر ەكىجاقتى اۋقىم­دى بايلانىستاردى نى­عاي­تۋ ءۇشىن پار­لامەنتارالىق ءوز­ارا ءىس-قي­مىل­دىڭ ەرەكشە ما­ڭىزى تۋرالى ورتاق پىكىر ءبىل­دىردى. دە­پۋتاتتىق دوستىق توپتارى جۇيە­سى بويىنشا پارلا­مە­ن­تارالىق بايلانىستاردى دامى­تۋ تۋرالى كەلىسىمگە قول جەت­كى­زىلدى, قازاقستان پار­لا­مەنتى سەناتىنىڭ توراعاسى قاسىم-جومارت توقاەۆتىڭ وڭتۇستىك كورەيا ۇلتتىق اسسامبلەياسىنىڭ باسشىسىنا بيىل رەسمي ساپارمەن استاناعا كەلۋگە شاقىرۋى تابىس ەتىلدى. گ.كيم ەلىمىزدىڭ ينۆەستيتسيالىق زاڭناماسىمەن جانە ەكونوميكالىق جوس­پار­لارىمەن تانىستىرىپ, قازاق­ستان­داعى جوبالاردى ىس­كە اسىرۋ جونىندەگى بىرلەسكەن جۇ­مىس­تارعا كورەي بيزنەسىن شا­قىردى. كورەي تۇبەگىندەگى جاعدايدى رەتتەۋ تاقىرىبىن تالقىلاۋ بارىسىندا گ.كيم بۇۇ قاۋىپ­سىز­دىك كەڭەسىنىڭ توراعاسى رەتىندە قازاقستاننىڭ 2018 جىلى قاڭتاردا قابىلداعان ما­ڭىزدى شارالارىنا توق­تالدى. ول بۇۇ قاۋىپسىزدىك كەڭە­­سىنىڭ 18 قاڭتارداعى پرەزيدەنت ن.نازارباەۆ پەن پو­لشا پرەزيدەنتى ا.دۋدا قا­تىس­­قان «جاپ­پاي قىرىپ-جويۋ قا­رۋلارىن تاراتپاۋ: سەنىم شا­رالارى» تاقىر­ىپ­تىق بري­فينگىن اتاپ ءوتىپ, ونىڭ قو­رى­تىندىسى بويىنشا قاۋ­ىپ­سىزدىك كەڭەسى تور­اعا­سى­نىڭ ايماقتىق قاقتى­عىس­تار­دى بول­دىرماۋ جانە الدىن الۋ ديپلوماتياسى تۋرالى مالىم­دە­مەسى قابىلدانعانىن ايتتى. قازاقستان رەسپۋبليكاسى ۇن­قا­تىسۋ قالىپتاساتىنىنا جانە  كورەي تۇبەگىندەگى شيەلەنىستىڭ شەشىمى تابىلاتىنىنا سەنىم ارتادى, دەدى گ.كيم.