سەمەي قالاسىنداعى قۇرىلىس كوللەدجىنىڭ №1 جاتاقحاناسىندا ەلەكتر جەلىلەرىنىڭ قىسقا تۇيىقتالۋىنىڭ اقىرى ورتكە ۇلاسقان. سەمەي قالالىق توتەنشە جاعدايلار باسقارماسىنىڭ ءباسپاسوز قىزمەتى حابارلاعانداي, قالاداعى №2 قۇتقارۋ توبى وقيعا بولعان جەرگە دەر كەزىندە جەتكەن.
جاتاقحانا كەزەكشىسىنىڭ ايتۋىنشا, قۇتقارۋ توبى, ءورت سوندىرۋشىلەر كەلگەنشە قۇرىلىس كوللەدجىنىڭ 4-كۋرس ستۋدەنتى جاسۇلان بەرەكەەۆ بالالاردى ورتتەن قۇتقارىپ ۇلگەرىپتى. قالىڭ ءتۇتىن باسقان دالىزدە كىشكەنتاي ءسابيدىڭ جىلاعان داۋىسىن ەستىگەن جاسۇلان بىردەن بولمەگە كىرىپ كەتەدى. ءسويتىپ, قۇتقارىلعان بالانى ەرەسەكتەرگە تابىستايدى. بەسىنشى قاباتقا قايتا كوتەرىلىپ, №36 بولمەدە قالىپ قويعان ەكى بالانى كۇرتەسىمەن قىمتاپ دالاعا الىپ شىعادى.
– كىشكەنتاي بالالاردى ويلاعان كەزدە قورقىنىشتىڭ نە ەكەندىگىن مۇلدە ۇمىتىپ كەتتىم, – دەيدى جاسۇلان تالانت ۇلى. – تەز ارادا قيمىلداماسام, بالالاردان ايرىلىپ قالاتىنىمىزدى ۇقتىم. قاۋىپ پەن قاتەر ماعان تەز شەشىم قابىلداپ, قيمىلداۋىما عانا مۇمكىندىك بارىن ۇقتىردى.
جاسۇلاننىڭ ارقاسىندا جەتى جاسار ەكى قىز بالا مەن 4 جاستاعى ۇل بالا امان-ەسەن قالدى. كوللەدج ۇجىمى مەن سەمەي قالالىق توتەنشە جاعدايلار باسقارماسى ستۋدەنتتىڭ بەيبىت كۇندەگى ەرلىگىن باعالاپ, ونى ماراپاتتاۋدى ويلاستىرۋدامىز دەپ وتىر, دەپ حابارلايدى ءباسپاسوز قىزمەتى.
راۋشان نۇعمانبەك,
جۋرناليست
سەمەي